Ангелина Васильева хаартыскаҕа түһэриитэ
Бэс ыйын 19 күнүгэр Национальнай бибилэтиэкэ Историческай саалатыгар Саха сирин Суруйааччыларын сойууһун 19-с уочарата суох сийиэстэрэ буолла.
Сийиэскэ саҥа устаабы ылыннылар уонна саҥа бырабылыанньаны, бэрэссэдээтэли таллылар.
Мунньахха СӨ бырабыыталыстыбатын бэрэссэдээтэлин солбуйааччы Сергей Местников, култуура, духуобунай сайдыы миниистирэ Афанасий Ноев кыттыыны ыллылар.
— Дойду үрдүнэн сытыырхайбыт балаһыанньанан, Арассыыйа Суруйааччыларын сойууһугар эмиэ уларыйыылар таҕыстылар. Саҥа салайааччынан бэрэсидьиэн көмөлөһөөччүтэ Владимир Мединскэй ананна. Ол чэрчитинэн, суруйааччылар сойуустарын үлэтигэр эмиэ уларыйыылар киириэхтэрэ, эрэгийиэннэргэ үбүлээһин эбиллиэҕэ. Көдьүүстээх бырайыактарга, үйэлээх айымньыларга субсидиялар ананыахтара. Литература, ускуустуба дьон-сэргэ өйүгэр-санаатыгар, ыччаты патриотическай иитиигэ дьайар күүһэ улахан. Бу сылларга литератураҕа, суруйааччыларга судаарыстыба өттүттэн улахан болҕомто ууруллубакка кэллэ. Ол уларыйар кэмэ кэллэ. Саха суругунан литературата төрүттэммитэ 125 сылынан, быйыл анал былаан ылынан, бииргэ үлэлии-хамсыы сылдьабыт, — диэн Сергей Местников эттэ.
Бырабылыанньа бэрэссэдээтэлин талыыга икки киһи турда — балтараа сыллааҕыта бэрэссэдээтэлинэн талыллыбыт Гаврил Андросов уонна сойууһу сүүрбэ сыл салайбыт Наталья Харлампьева. Куоластааһын сабыылаах ыытылынна. Ыраах улуустарга олорор, кыайан кэлбэтэх дьон дэбиэрэннэстэрэ дьиҥэ суоҕунан ааҕылынна. Куоракка олорор эрээри, доруобуйаларын туругунан кыайан кэлэр кыаҕа суох дьоҥҥо дьиэлэригэр тиийэн, сабыылаах уурунаны илдьэн, куоластаттылар. Барыта 52 киһи куоластаата.
Куоластааһын түмүгүнэн, Саха сирин Суруйааччыларын сойууһун бэрэссэдээтэлинэн Наталья Харлампьева талылынна.
Ангелина Васильева.
Ааптар хаартыскаларга түһэриитэ
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…