Саха сирин суруналыыстара пресс-турга Узбекистаҥҥа айаннаатылар

Бүгүн, балаҕан ыйын 23 күнүгэр, СӨ Суруналыыстарын сойууһун көҕүлээһининэн суруналыыстар бөлөхтөрө 7-с төгүлүн ыытыллар пресс-турга айаннара саҕаланна.

СӨ Суруналыыстарын сойууһун бэрэссэдээтэлин солбуйааччы Галина Бочкарева салайар бөлөҕөр 12 киһи кыттар. Сэттис аан дойдутааҕы пресс-тур кыттыылаахтара Самарканд, Бухара, Ургенч, Хиву уо.д.а, куораттарга сылдьыахтара. Ону сэргэ, араас экскурсияларга, плов оҥорууга маастар-кылааска, Ферганскай долинаҕа уо.д.а. кэрэхсэбиллээх сиргэ сылдьыахтара.
Узбекистан Суруналыыстарын сойууһун кытары көрсөн, уопут атастаһыахтара, Саха сирин билиһиннэриэхтэрэ, сахалыы оһуохай дуорайыа, хомус лыҥкыныы оонньуо, ырыа-тойук толоруллуо.