Хаартыска: ЯСИА.
Дойду үрдүнэн саамай үрдүк хамнастаах үлэһиттэринэн сварщиктар буолаллар. Ордук үрдүк хамнас Саха сиригэр бэлиэтэнэр — толору үлэ күнүгэр исписэлиистэр ортотунан ыйга 245 тыһ. солк. аахсан ыллаллар. Маннык чинчийиини «Авито.Работа» сервис исписэлиистэрэ таһаардылар.
РБК иһитиннэрэринэн, чинчийии дааннайдарынан бу этии биир сылтан үс сылга диэри үлэ уопуттаах уонна бигэргэтиллибит кыраапыктаах исписэлиистэргэ сыһыаннаах. Саха сиригэр сварщиктары таһынан анал тиэхиньикэ машинистара ирдэнэллэр, кинилэргэ ыйга 217 тыһ.солк. диэри хамнаһы этэллэр. Маннык таһымнаах үлэһиттэргэ үрдүк ирдэбил дойду атын эрэгийиэннэригэр эмиэ баар.
Приморскай кыраайга электромонтажниктар 173,6 тыһ. солк., оттон бетонщиктар ыйга 170,2 тыһ. солк. эрэниэхтэрин сөп. Оҥорон таһаарар эйгэ исписэлиистэрэ ордук эмиэ ирдэнэллэр: сварщиктар, токарьдар, фрезеровщиктар уонна үлэһит идэлэр атын бэрэстэбиитэллэрэ.
Үлэ ырыынагар саамай күрэстэһэр кыахтаах этиилэри чуолаан бу исписэлиистэр ылаллар. Урут «Авито.Работа» сервис металлургия салаатыгар хамнас үрдээһинин туһунан иһитиннэрбитэ: металлургтарга орто хамнас ыйга 93 тыһ. солк. кэриҥэ буолар, бу – ааспыт сыллааҕы көрдөрүүттэн 33%-нан үрдүк. Саамай улахан үүнүү инженер-технологтарга бэлиэтэммит — кинилэр дохуоттара сыл иһигэр 29%-нан үрдээн, быйыл ортотунан ыйга 85 тыһ.солк. тэҥнэстэ.
Итии оргуйбут ууну куттуҥ да, түргэн лапса бэлэм. Ыксаллаах кэмҥэ, биирдэ эмит амсайарга арай аһыы,…
Композитор, СӨ култууратын үтүөлээх үлэһитэ, Аллараа Халыма улууһун бочуоттаах олохтооҕо Александр Иванович Дмитриев-Таммах бу дьыл…
Киһи күннээҕи олоҕор кыра-кыра истириэһи элбэхтэ көрсүөн сөп. Маҕаһыыҥҥа уочараттан саҕалаан билбэт дьоҥҥун кытта киҥир-хаҥыр…
Араҥаччылыыр аналлаах силиһэ-мутуга дириҥээбит, чэчирии үүнэр Ийэ Хатыҥы санатар Надежда Игоревна дьылҕатыгар биир олус суолталаах…
Куобах аас-туор сылларга дьону хоргуйууттан өрүһүйбүт кыыл буолар. Кини этэ эрэ буолбакка, тириитэ олус сылаас…
Үөһээ Халымаҕа бырабыыталыстыба отчуотун кэмигэр СӨ Ыччат дьыалаларыгар уонна социальнай коммуникацияларга миниистирэ, "Биир ньыгыл Арассыыйа"…