Хаартыска: sakha.gov.ru
«Азия оҕолоро» норуоттар икки ардыларынааҕы успуорт оонньууларын самбо успуорт көрүҥэр Саха сирин сүүмэрдэммит хамаандатыгар Алдан, Нерюнгри улуустарыттан уонна Дьокуускайтан 14-тэн 16-гар диэри саастаах оҕолор киирдилэр.
Сүүмэрдэммит хамаанда састаабыгар Уһук Илин уокурук күрэхтэһиилэрин кыайыылаахтара уонна призердара, ону тэҥэ Бүтүн Арассыыйатааҕы күрэхтэһиилэр уонна турнирдар призердара бааллар. «Оҕолор эрчиллиигэ улахан дьаныардаахтарын уонна баҕаларын көрдөрөллөр. Күрэхтэһиилэргэ бары кыһамньыларын ууруохтара диэн эрэнэбин», — диэн хамаанда уһуйааччыта Толибшо Ерасейно бэлиэтээтэ.
Оттон дзюдо успуорт көрүҥэр хамаанда састаабыгар Дьокуускай, Хаҥалас, Мииринэй уонна Ленскэй улуустарыттан 15-тэн 16-гар диэри саастаах оҕолор талылыннылар. Эдэр дзюдоистар бу иннинэ улахан күрэхтэһиилэргэ үрдүк ситиһиилэри көрдөрбүттэрэ. Улан Удэҕэ ыытыллыбыт Уһук Илин федеральнай уокурук күрэхтэһиитигэр Саха сирин сүүмэрдэммит хамаандата 11 мэтээлгэ тиксибитэ: 4 кыһыл, 3 үрүҥ көмүс уонна 4 боруонса. Үөрэтэр-эрчийэр тэрээһиннэр ыам ыйын 13-27 күннэригэр Монголияҕа ыытыллыбыттара. Билигин эдэр спортсменнар Дьокуускай куорат Олимпийскай резервэлэрин училищетын баазатыгар мустан дьарыктаналлар. «Оҕолор улахан бэлэмнээхтэрин көрдөрөллөр. Оонньууларга хайаатар даҕаны мэтээллэргэ тиксэргэ былаанныыбыт. Хаамаанда ситиһиилээхтик кыттан, үрдүк ситиһиилэринэн ыалдьааччыларын үөрдүөхтэрэ диэн эрэнэбин», — диэтэ хамаанда сүрүн тириэньэрэ Илья Громов.
Ону кытта тхэквондо успуорт көрүҥэр сүүмэрдэммит хамаанда састаабыгар 16 спортсмен талылынна: 14-15 саастаах 8 уол уонна 8 кыыс. Кинилэр күрэхтэһиилэргэ Дьокуускай куорат, Хаҥалас, Уус Алдан, Мииринэй уонна Бүлүү улуустарыттан кытталлар. Яков Гаврильев этэринэн, тхэквондистар эрчиллиигэ үчүгэй таһымнаахтарын көрдөрөллөр.
Дьокуускайга дзюдо, тхэквондо успуорт көрүҥэр күрэхтэһиилэр «Эллэй Боотур» муус дыбарыаһыгар, оттон самбоҕа «Триумф» успуорт уораҕайын баазатыгар ыытыллыахтара.
«Азия оҕолоро» норуоттар икки ардыларынааҕы успуорт оонньуулара Дьокуускайга бу сыл бэс ыйын 25 күнүттэн от ыйын 7 күнүгэр диэри буолуоҕа.
Ахсынньы 16 күнүгэр Дьокуускай куоракка өр күүтүллүбүт «Патриот» ыччат киинин үөрүүлээх арыллыыта буолла. Бу –…
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…