Саха сирин сүүмэрдэммит хамаандата Арассыыйа ыччатын спартакиадатын Уһук Илиҥҥи түһүмэҕэр бастаата

Благовещенскайга Саха сирин сүүмэрдэммит хамаандата Арассыыйа ыччатын спартакиадатыгар Уһук Илиҥҥи түһүлгэтигэр бастакы миэстэни ылла. Ону таһынан биһиги спортсменнарбыт алта кыһыл көмүс мэтээли ылар ситистилэр. Бу туһунан «Триумф» пресс-сулууспата суруйар.

Күрэхтэһиигэ Уһук Илин уокурук алта эрэгийиэниттэн 40- тан тахса спортсмен кытытыыны ылла. Саха сирин хамаандата бастакы миэстэни эрэллээхтик ылла. Иккис миэстэҕэ Бурятия бэрэстэбиитэллэрэ таҕыстылар, үһүскэ — Амур уобалаһын бэрэстэбиитэллэрэ буоллулар.

Кыһыл көмүс мэтээллэри Дьулус Петров (57 кг), Дамир Явловскай (61 кг), Василий Григорьев (65 кг), Игорь Матвеев (70 кг), Евгений Аронов (97 кг) уонна Алина Кривошапкина (50 кг) ыллылар.

Үрүҥ көмүс наҕараада Юрий Старостин (79 кг), Степан Иванов (92 кг) уонна Михаил Николаев (125 кг) тигистилэр. Үһүс миэстэҕэ Алексей Захаров (74 кг) уонна Былаас Сивцев (86 кг) таҕыстылар.

Кыайыылаахтар 21 саастарыгар диэри Арассыыйа ыччатын спартакиадатын финалыгар кыттыыны ылар чиэскэ ситистилэр.