Саха сирин сүүмэрдэммит хамаандата бастаата!

Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа  бастыыр иһин  күрэхтэһиилэрин үһүс күнэ Саха сиригэр кыайыыны аҕалла.

Ол курдук, Саха сирин күүстээх гимнасткаларын  хамаандата бастакы спортивнай разрядка 12-13 саастаах кыргыттарга бөлөҕүнэн күрэхтэһиигэ бастаата! Күрэхтэһии үһүс күнэ тыҥааһыннаах уонна быһаарыылаах буолла. Саха сирин 1-кы хамаандата бу иннинэ эрэллээхтик бастаан испитэ. Онтон түмүккэ үрдүк таһымнаах бэлэмнээҕин бигэргэтэн, күрэхтэһии бырагырааматын эрэллээхтик толордо.

Саха сиригэр гимнастика курдук успуорт уустук көрүҥэ аҕыйах сыл иһигэр тэтимнээх сайдан эрэр. Эспиэрдэр бэлиэтииллэринэн, күн бүгүн Дьокуускайга, Мииринэй, Нерюнгри, Ньурба, Өймөкөөн, Мэҥэ Хаҥалас оройуоннарыгар 1668 спортсмен дьарыктанар. Ол да иһин, өрөспүүбүлүкэ сүүмэрдэммит хамаандатыгар 48 гимнаст киирэр.

Саха сирин дорҕоонноохтук ааттаппыт гимнаст кыргыттабытын эрэллээх кыайыыларына истиҥник эҕэрдэлиибит!