Саха сирин сүүмэрдэммит хамаандата көҥүл тустууга Арассыыйа первенствотын мэтээллэригэр тигистэ

Саха сирин сүүмэрдэммит хамаандата көҥүл тустууга Арассыыйа первенствотын  күрэхтэһиитигэр үрүҥ көмүс уонна боруонса мэтээллэринэн наҕараадаланна.

Күрэхтэһии 18 сааһыгар диэри оҕолорго Наро-Фоминскай куоракка ыытыллынна. Бөҕөстөр ортолоругар 51 киилэҕэ диэри ыйааһыҥҥа боруонса мэтээли Ньургун Чемезов ылла. Кини ыйааһыгар 28 бөҕөс кытынна. Оттон 48 кг диэри ыйааһыҥҥа 25 кыттааччы ортолоругар Ариан Винокуров үрүҥ көмүс мэтээл хаһаайынынан буолла. Финалга кини  аҕыйах очконан Москва уобалаһыттан Джамал Ремиевка (5:4) хоттордо.