Саха сирин сүүмэрдэммит хамаандатыгар өссө биир кыһыл көмүс
30.06.2024, 20:30
Хаартыска: sakha.gov.ru
Бөлөххө киир:
Куорат спортивнай оскуолатын иитиллээччитэ, тохсус кылаас үөрэнээччитэ Альберт Винокуров «Азия оҕолоро» оонньууга үс төгүл үс ыстаныыга кыайыылааҕынан таҕыста. Ону кытта кини чэпчэки атлетикаҕа бастакы разряд нуорматын толордо.
«Күрэхтэһии олус долгутуулаах этэ. Ол эрээри, тириэньэр биһиэхэ хаһан да бэйэни ыһыктыбакка, кытанаахтык кыайыыга дьулуһуохтаахпытын туһунан мэлдьи этэрэ. Кыайыыны төрөппүттэрбэр уонна тириэньэрбэр Петр Александровичка аныыбын. Мин ийэм уонна аҕам трибунаҕа баар этилэр, онон кинилэр өттүлэриттэн олус улахан өйөбүлү ылбытым», — диэтэ саҥа буолбут чөмпүйүөн.
Иккис миэстэни Казахстантан Глеб Клепинин ылла, үсүһү — Беларусь Өрөспүүбүлүкэтиттэн Павел Артемья буоллулар. Кыргыттарга Москваттан Анна Андреева бастаата, иккис миэстэни Сибиирдээҕи федеральнай уокуруктан Екатерина Иванова ситистэ, оттон Казахстантан Алиса Исаева боруонса мэтээли ылла. Анна Андреева ыстаныыга 23,86 м көрдөрүүлээх оонньуу рекордун олохтоото.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: