Саха сирин сүүмэрдэммит хамаандатын оҕунан ытааччылара – «Надежды России» турнир кыайыылаахтара

Сэтинньи 25 күнүгэр Псковскай уобаласка оҕунан ытыыга «Надежды России» диэн Бүтүн Арассыыйатааҕы күрэхтэһии түмүктэннэ. Бу туһунан «Триумф» пресс-сулууспата иһитиннэрэр.

Саха сирин сүүмэрдэммит хамаандата кыһыл көмүс мэтээли ылла. Алиса Кириллина, Мария Тараярова уонна Кристина Дрозд классическай ох саанан хамаанданан киирсиигэ бииргэ кыттан, 22-гэр диэри саастаах юниордар ортолоругар эрэллээхтик бастакы миэстэни ыллылар.Бу састаабынан кинилэр сэтинньи 13-19 күннэригэр «Күүстээхтэр Куубактарыгар» Бүтүн Арассыыйатааҕы күрэхтэһиигэ кыттыбыттара. Онно кинилэр кыра финалга ааттаах-суоллаах Забайкальскай кыраай хамаандатыгар хотторон, төрдүс миэстэ буолбуттара.