Саха сирин сүүрүгэ Наталья Леонтьева Самарканд марафонугар үрүҥ көмүс мэтээли ылла

Саха сирин чэпчэки атлетикатын бастыҥнарыттан биирдэстэрэ Наталья Леонтьева Узбекистаҥҥа ыытыллыбыт Самарканд марафонугар үрүҥ көмүс мэтээлинэн бэлиэтэннэ.

Бу күрэхтэһии сүүрүккэ быйылгы сезон түмүктүүр сүүрүүтэ буолла. Дьахталлар ортолоругар 42 км дистанцияҕа ыытыллыбыт Самарканд марафонугар араас дойдулартан 200-кэ кэриҥэ күрэсчит кыттыыны ылла. Саха сирин Сунтаар улууһуттан төрүттээх Наталья Леонтьева марафону ситиһиилээхтик ааһан, иккис миэстэҕэ таҕыста. Кини көрдөрүүтэ – 2 чаас 38 мүнүүтэ 24 сөкүүндэ. Бастакы миэстэни Кения күрэсчитэ Ясинта Чепкоеч ылла. Кини саха сүүрүгүн алта мүнүүтэнэн куотта. Бочуот пьедесталын үһүс үктэлигэр Узбекистантан сылдьар Екатерина Тунгускова таҕыста.