Хаартыска: СИА
Бэс ыйын 13 күнүгэр Дьокуускайга тиэхиньикэни туттарыы тэрэһинэ буолан ааста.
Биэс тырааныспар күлүүһүн тэрилтэ салайааччылара Дьокуускайдаҕы биир кэлим координационнай киин суһал ыстаабын салайааччытыгар, Донбасска уонна Хотугулуу-Илиҥҥи көмө оҥоруу пуондатын дириэктэрин эбээһинэһин толорооччу Георгий Куркутовка туттардылар. Томпо улууһун дьаһалтата икки «УАЗ Патриот» массыына, «Ростелеком» хампаанньа бронялаах «УАЗ» массыына, Кэбээйи улууһа «Газель» массыына уонна СӨ Борокуратуурата квадроцикл туттардылар.
Георгий Куркутов Саха сирин биир кэлим координационнай киинин бэрэссэдээтэлин солбуйааччы Андрей Федотов аатыттан тэрилтэ кэлэктииптэригэр махталын тиэртэ.
«СӨ биир кэлим координационнай киинин үлэтин- хамнаһын чэрчитинэн Саха сирин байыастарын тиэхиньикэнэн уонна оборудованиенан хааччыыйыыга эбии көмө оҥоһуллара салҕанар. Тиэхиньикэ сотору кэминэн биһиги байыастарбытыгар анал байыаннай дьайыы хонуутугар тиэрдиллиэҕэ. Байыаннай соруктарын быһааралларыгар көмө буолуоҕа. Кыайыыны ситиһиэхпит!», — диэтэ Георгий Куркутов.
«Ростелеком» хампаанньа филиалын дириэктэрэ Константин Войтеховскай байыастарга бронированнай тиэхиньикэ бэлэмнэммитин бэлиэтээтэ.
Сиһилии манна аах.
Бүгүн, ыам ыйын 14 күнүгэр, Арассыыйа Дьоруойа Дмитрий Куценко "Боотур" этэрээт байыастарын кытта көрүстэ. Кини…
СӨ Ил Дархана Айсен Николаев бүгүн, ыам ыйын 14 күнүгэр, ыксаллаах быһыыны-майгыны сэрэтэр уонна куттал…
Аан дойдуга соҕотох Хомус түмэлин пуондатыгар араас дойду 1882 муусукаҕа үстүрүмүөннэрэ хараллан сыталлар. Итинтэн 1744-дэ…
СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ саас көтөргө уонна ойуур көтөрүн бултуур кэм…
Саха сиригэр 2024 сыл ахсынньытыттан дьиэ кэргэттэри (бииригэр диэри саастаах оҕолоох ыаллары) арыаллыыр "Мэдиссиинэ көмөтө"…
Оҕо сайыҥҥы сынньалаҥын тэрийии боппуруоһунан төрөппүт аһаҕас мунньаҕа буолан ааста. Тэрийээччилэр иһитиннэрбиттэринэн ыам ыйын 15…