Андрей Сорокин, ЯСИА
Саха Өрөспүүбүлүкэтин Судаарыстыбаннай Мунньаҕын (Ил Түмэн) 14-с уочараттаах мунньаҕар “О внесении изменений и дополнений в Конституцию (Основной Закон) Республики Саха (Якутия)” Төрүт сокуонун бырайыага бүтэһик ааҕыыга ылылынна, ол иһигэр үөрэхтээһин эйгэтигэр сыһыаннаах Төрүт сокуон 22 ыстатыйатыгар көннөрүүлэр эмиэ.
22 ыстатыйаны чопчулааһын Арассыыйа Федерациятыгар “оскуола таһынан үөрэхтээһин”, ону тэҥэ орто уопсай үөрэхтээһин бырагырааматынан салгыы үөрэнэр бигэргэммит талар быраабынан эбэтэр орто идэтийбит үөрэхтээһин ситимигэр “Үөрэхтээһин туһунан” Федеральнай сокуонунан курдук таһым суоҕунан оҥоһулунна.
Саха сирин баһылыга Айсен Николаев этэринэн, Саха Өрөспүүбүлүкэтин Төрүт сокуонун билиҥҥи эрэдээксийэтигэр оҕолору 11 кылааска диэри — толору орто үөрэхтээһини ылыыга төрөппүттэр эбээһинэстэрэ суруллубута. Ол эрээри бу хааччахтааһын 9 кылаас кэнниттэн оҕо кэллиэскэ уонна училищеҕа киирэрин көҥүллээбэт. Этиллибит көннөрүү оҕолор 9-с кылаас кэнниттэн кэллиэскэ киирэн, анал идэни ыларыгар кыаҕы биэрэр.
”Бу уларытыы босхо уопсай үөрэхтээһиҥҥэ быраабы уларыппат. Толору орто үөрэхтээһин судаарыстыбанан “Үөрэхтээһин туһунан” Федеральнай сокуон нөҥүө мэктиэлэнэр. Биһиэхэ билигин Конституцияҕа төрөппүттэр толору орто үөрэҕинэн хааччыйыыга эбээһинэстэрэ сурулунна. Оҕолору тоҕо хааччахтыахтаахпытый? Үгүстэр 9 кылаас кэнниттэн идэ ылан, үлэлиэхтэрин баҕараллар. Бу уларытыынан, биир өттүттэн ыллахха, биһиги үөрэхтээһиҥҥэ бары мэктиэлээһиннэри оннунан хаалларабыт: 11 кылааска диэри үөрэниэн баҕалаах – үөрэннин. Ол эрээри 9-с кылаас кэнниттэн кини үөрэнэ барар, идэҕэ үөрэнэн, исписэлиис буолар бырааптаныа”, — диэтэ Айсен Николаев.
Онон, Өрөспүүбүлүкэ Төрүт Сокуонун 22 ыстатыйатыгар көрүллүбүт уларытыылар орто идэтийбит үөрэҕи ылыыга быраабы биэрэллэр, тоҕо диэтэххэ, 9-с кылаас кэнниттэн оҕолор талар кыахтаналлар: оскуолаҕа салгыы үөрэнэллэр дуу эбэтэр кэллиэскэ, училищеҕа дуу. Өскөтүн оҕо 11 -с кылааһы бүтэриэр диэри үөрэнэр баҕалаах буоллаҕына, кини босхо үөрэнэр бырааптаах.
Дьүүллэһэн баран, норуот дьокутааттара “О внесении изменений и дополнений в Конституцию (Основной Закон) Республики Саха (Якутия)” Төрүт сокуон барылын ылыннылар.
sakha.gov.ru
Хаартыска: Андрей Сорокин, ЯСИА
Сиһилии: https://www.sakha.gov.ru/news/14207
Владимир Прокопьев, олохтоох бэйэни салайыныыга Ил Түмэн бастайааннай кэмитиэтин бэрэссэдээтэлэ: --Төрүт Сокуоҥҥа уларытыылар киириэх буолбуттара…
Дойду билимин уонна үрдүк үөрэҕин министиэристибэтэ тустаах министиэристибэ иһинэн үлэлиир үрдүк үөрэх кыһаларыгар 2026 сылга…
Судаарыстыбаннай Мунньах (Ил Түмэн) XIV (уочараттаах) пленарнай мунньаҕар бүтэһик ааҕыыга “О внесении изменений и дополнений…
Саха киһитигэр былыр-былыргыттан муҥхаҕа сылдьыы бэйэтэ бырааһынньык. Таастаах олохтоохторо ааспыт өрөбүлгэ Чаакыйа күөлгэ муус аннынан…
Ил Түмэн спикерэ Алексей Еремеев: -Бүгүн Төрүт Сокуоҥҥа саамай наадалаах кэмҥэ биһиги кэскилбит түстүүр уларытыылар…
Мииринэйгэ байыаннай дьайыы бэтэрээннэрэ "Ийэлэр, аҕалар - маладьыастар!" диэн билиини-көрүүнү тургутар дьиэ кэргэн викторинатыгар кыттан…