Андрей Сорокин. ЯСИА
Судаарыстыбаннай Мунньах (Ил Түмэн) XIV (уочараттаах) пленарнай мунньаҕар бүтэһик ааҕыыга “О внесении изменений и дополнений в Конституцию (Основной Закон) Республики Саха (Якутия)” Төрүт сокуон барыла ылылынна, ол иһигэр Саха сирин Ил Дарханын сорох боломуочуйаларыгар сыһыаннаах уонна РФ Бэрэсидьиэнэ анаабыт өрөспүүбүлүкэ Ил Дарханын эбээһинэһин быстах кэмҥэ толорооччу правовой статуһугар сыһыаннаах.
Ол курдук, Саха сирин Конституциятын 72 ыстатыйатыгар уларытыылар киллэрилиннилэр, онно олоҕуран, Саха сирин Ил Дархана Сыаналаах металлар уонна сыаналаах таастарга судаарыстыбаннай пуонда баайын-дуолун харайыыны, тэрийиини уонна туһаныыны хааччыйар, Сыаналаах металлар уонна сыаналаах таастарга судаарыстыбаннай пуондаттан балары батарыыга быһаарыылары ылынар.
“Федеральнай сокуонунан Саха сирин баһылыгар бу боломуочуйалар хайы-үйэ бааллар. Онон Судаарыстыбаннай пуондаҕа бары атыылааһын Саха Өрөспүүбүлүкэтин судаарыстыбаннай бүддьүөтүн нөҥүө ааһар”, — диэн Саха сирин баһылыга Айсен Николаев бэлиэтээтэ.
Онон Төрүт сокуоҥҥа көрүллэр уларытыылар дьиҥнээх баар балаһыанньаҕа сөп түбэһиннэрэр туһугар ананан киллэрилиннилэр, маныаха бүддьүөт сокуоннаһын нуормаларыгар сөп түбэһиннэрэн, сыаналаах металлары уонна сыаналаах таастары батарыыттан ылыллыбыт үп-харчы толору кээмэйинэн Саха сирин судаарыстыбаннай бүддьүөтүгэр киирэр.
Ону тэҥэ Саха сирин Төрүт сокуонун 76 ыстатыйатыгар Саха Өрөспүүбүлүкэтин Ил Дарханын эбээһинэһин быстах толорооччуга бобуулар кэрискэлэрэ чопчуланар, Бырабыыталыстыбаны ууратыыны (роспуск) бобууну таһаарбатын чааһыгар, ол федеральнай таһымҥа кытта итинник олохтоммута.
Дьүүллэһии кэнниттэн норуот дьокутааттара “О внесении изменений и дополнений в Конституцию (Основной Закон) Республики Саха (Якутия)” сокуон барылын бүтэһиктээх ааҕыыга ылыннылар.
sakha.gov.ru
Хаартыска: Андрей Сорокин, ЯСИА.
Саха сиригэр бу бырайыак иитинэн өрөспүүбүлүкэ 1049 олохтооҕо үөрэнэр. --Өрөспүүбүлүкэ олохтоохторун үөрэтии 82 бырагырааманан тэрилиннэ.…
Алексей Колодезников Саха Өрөспүүбүлүкэтин Төрүт сокуонугар киллэриллибит уларытыылар тустарынан санаатын маннык суруйбут: -- Бүгүн өрөспүүбүлүкэ…
СӨ суһал ыстааба байыаннай дьайыы кыттыылаахтарыгар уочараттаах гуманитарнай көмөтүн ыытар. Бу туһунан СӨ Гражданскай оборуона…
Саха сиригэр балаҕан ыйын 22 күнүгэр баһаартан кутталлаах сезон дьиҥ таһымнаахтык сабыллыбыта. Онон сибээстээн, Россельхознадзор…
Туос хастанар кэмэ -- бэс ыйын ортотуттан от ыйын ортотугар диэри. Бу кэмҥэ уута сүүрэн…
Владимир Прокопьев, олохтоох бэйэни салайыныыга Ил Түмэн бастайааннай кэмитиэтин бэрэссэдээтэлэ: --Төрүт Сокуоҥҥа уларытыылар киириэх буолбуттара…