Андрей Сорокин хаартыскаҕа түһэриитэ, СИА.
«Саха сирин тимир суоллара» хампаанньа Арассыыйа уонна Кытай кыраныыссаларыгар быйыл «Дьэлиҥдэ – Мохэ» диэн кыраныысса аттынааҕы суолу чөлүгэр түһэриини саҕалыаҕа. Маннык соругу өрөспүүбүлүкэ баһылыга Айсен Николаев хампаанньа генеральнай дириэктэрин Василий Шимохины кытары көрсүһүүтүгэр туруорда. Бу туһунан Ил Дархан уонна Бырабыыталыстыба дьаһалтатын пресс-сулууспата иһитиннэрэр.
«Дьэлиҥдэ – Мохэ» 1993 с. аһыллыбыта, ол гынан баран 2000 сыллар саҥаларыгар дьон сырыыта аҕыйаҕынан уонна таһаҕаһы таһыы суоҕунан тохтоон хаалбыта. Бу хайысханан үлэни сөргүтүүнү саҥа инфраструктура оҥоһуллубутунан уонна Амур өрүһү туоруур муостаны тутуунан былаанныыллар.
«Саха сирин тимир суоллара» хампаанньа кыраныысса таһыгар тимир суолу тутуохтаах. Урут быраҕыллыбыт Сковородино – Рейново учаастагынан Саха сириттэн таһаҕаһы таһыахха сөп диэн суоттаналлар. Саха сириттэн тахсар табаардары бу пууҥҥа диэри уу суолунан уонна тырааныспарынан таһыахтарын сөп.
«Биһиги онно номнуо сыл курдук үлэлээтибит. Биһиги бырайыакпытын өрөспүүбүлүкэ бырабыыталыстыбата эмиэ өйөөбүтэ. Кытай, Амур уобалаһын уонна РФ тырааныспарын министиэристибэтин бэрэстэбиитэллэрин кытары эмиэ көрсүбүппүт. Бу сыл бүтүүтэ Сковородиноттан 70 км усталаах суолу чөлүгэр түһэриини саҕалыахпыт. Бу хайысханан Саха сириттэн тас дойдуга таһаҕас таһыллыа», – диэтэ Василий Шимохин.
Ону тэҥэ көрсүһүүгэ Илин полигон эргимтэтин толору күүһүнэн үлэлиирин туһунан дьүүллэстилэр. Айсен Николаев Москваттан кэлэр таһаҕаһы тиэйиини кииннээһин үлэтин түмүктүүргэ сорудахтаата. Бу соругу толорорго «Саха сирин тимир суоллара» хампаанньа «Столбовая» ыстаансыйа терминалын тутар. Хампаанньа контейнердаах буойастар 14-18 күнүнэн таһаҕаһы тутааччыларга тиийэрин курдук сыал-сорук туруорунар.
Санатан эттэххэ, Илин экэнэмиичэскэй пуорумҥа Ил Дархан Айсен Николаев уонна Амур уобалаһын губернатора Василий Орлов «Дьэлиҥдэ – Мохэ» хайысхатынан тимир суолу тутуу туһунан меморандум баттаспыттара. Бу эбийиэк Арассыыйа уонна АТР дойдуларын кытары сибээстиир тырааныспар көрүдүөрүнэн буолуо. Бу суолунан Саха сириттэн ойуур бырамыысыланнаһын уонна хайа комплекстарын бородууксуйаларын таска таһаарыахтара.
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…