Хаартыска «Саха сирин тимир суоллара» хампаанньаттан
Ил Дархан Айсен Николаев 2024 сылга Саха сирин сүрүн тэрилтэлэрин үп-харчы-хаһаайыстыбаннай үлэ түмүктэрин уонна 2025 сылга инники былааннарын дьүүллэһэр мунньаҕы ахсынньы 9 күнүгэр, бэнидиэнньиккэ, «Саха сирин тимир суоллара» хампаанньаттан саҕалаата.
Айсен Николав тэрилтэ генеральнай дириэктэрэ Василий Шимохиҥҥа тэрилтэ үрдүк көрдөрүүлэринэн, пассажирдары уонна таһаҕаһы тиэйиигэ үчүгэй түмүктэрин ыйан туран кэлэктиипкэ махтанна.
«2024 сыл түмүгүнэн хампаанньа 421 тыһыынча пассажиры таһыаҕа, ити ааспыт сыл көрдөрүүтүн 8,3% куоһарар. Таһаҕаһы тиэйиигэ эмиэ үрдүк көрдөрүүлэхтэр — 8,5 мөл. туонна таһаҕаһы тиэйии күүтүллэр, ол эбэтэр 2023 сыл таһымыттан 107%-на буолар», — диэтэ Айсен Николаев.
Ил Дархан анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин өйөбүлүгэр, ону тэҥэ хаарбах туруктаах дьиэлэртэн көһөрүү бырагырааматын олоххо киллэриигэ тэрилтэ кыттарын бэлиэтээтэ. Быйыл хампаанньа Алдан оройуонугар үс олорор дьиэ тутуутун түмүктээбит.
Ааһан эрэр сыл сүрүн ситиһиитинэн Москва уобалаһын Чеховскай оройуонугар Столбовой терминал станцияттан Саха сиригэр Аллараа Бэстээххэ уонна Алдаҥҥа диэри таһаҕаһы тиэйии кыах үөскээбитэ. Айсен Николаев чугастааҕы сылларга биир сүрүн соругунан «Джалинда – Мохэ» инвестиционнай бырайыагы олоххо киллэрии буоларын бэлиэтээтэ.
««Джалинда – Мохэ» — инвестиционнай бырайыагы хайаан да олоххо киллэриэхтээхпит. Ол көмөтүнэн хоту Кытайга чоҕу, атын бородууксуйаны тиэйиигэ бэйэбит маршруттаныахпыт. Хамсааһыны биир эрэ өттүгэр буолбакка, төттөрү тиэйиини оҥорор эмиэ улахан суолталаах», — диэтэ өрөспүүбүлүкэ салайааччыта.
Ону сэргэ мунньах түмүгүнэн Ил Дархан сорудаҕынан «Аллараа Бэстээх – Хандыга» учаастагар «Аллараа Бэстээх-Магадан» саҥа тимир суол лииньийэтин тутуу бастакы түһүмэҕин тиэхиниичэскэй-экэнэмиичэскэй докумуонун ырытан оҥоруута буолар.
Сунтаар улууһун Тойбохой с. фермердэрэ Алексей Сидоров уонна Александр Егоров Тыа хаһаайыстыбатын министиэристибэтин өйөбүлүнэн 500…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Гектары бас билэллэринэн эрэ муҥурдаммакка, манна биисинэстэрин саҕалаан эрэр дьон элбээтэр элбээн иһэллэр. Нам улууһугар…
Быйыл атырдьах ыйыгар Дьокуускай куоракка СӨ Суруйааччыларын сойууһун чилиэнэ, А.М.Горькай аатынан литература институтун устудьуона Любовь…
Саха сиригэр элбэх кыбартыыралаах дьиэлэр уопсай чаттара МАХ национальнай мессенджергэ көһөн эрэллэр. Хайыы-үйэ 3000-тан тахса…
Дьиэни эбэтэр кыбартыыраны өрөмүөн кэнниттэн дьиҥнээх оранжереяҕа кубулутан, хойуу сибэккилээх үүнээйинэн киэргэтэр кыах идэтийбит флористарга…