“Саха сирин тимир суоллара” тэрилтэ мэҥэлэргэ оптуобус бэлэхтээтэ

Бүгүн, бэс ыйын 9 күнүгэр, Мэҥэ Хаҥалас улуһуугар бэлиэ күн буолан ааста. “Саха сирин тимир суоллара” акционернай хампаанньа Мэҥэ Хаҥалас улууһун дьонугар-сэргэтигэр анаан көмө быһыытынан «ПАЗ» оптуобуһу бэлэх уунна.

Ол туһунан Мэҥэ Хаҥалас улууһун дьаһалтатын пресс-сулууспата иһитиннэрэр.

Ол курдук, улуус бу тэрилтэни кытта өр сылларга социальнай-экэнэмиичэскэй сайдыыга бииргэ үлэлиир туһунан сөбүлэһии түһэрсэн турар. Бу сөбүлэһии бүгүн олоххо киирбитин бэлиэтиир бэрт үчүгэй тэрээһин ыытылынна, “Техкоммунсервис” тэрилтэҕэ оптуобус күлүүһүн үөрүүлээх быһыыга туттардылар.

Улуус олохтоохторун араас хайысханан таһар, улахан социальнай эппиэтинэһи сүгэр, 20 сыллааҕыта тэриллибит биир тутаах тэрилтэ сайдыытыгар бу тиэхиньикэ төһүү буоларыгар саарбахтаммат.

Мэҥэ Хаҥалас улууһун баһылыга Дмитрий Тихонов бу бэлиэ күн тэрээһинигэр Василий Шимохин салайааччылаах “Саха сирин тимир суоллара” акционернай хампаанньа кэлэктиибигэр улуус дьонун-сэргэтин уонна тус бэйэтин ааыттан махтанарын биллэрдэ.