Саха сирин тирэх пууннара байыастарга аадырыстаах баһыылкалар саҥа баартыйаларын тиэртилэр

Саха сирин тирэх пуунун үлэһиттэрэ байыаннай дьайыы зонатыгар Саха сириттэн сылдьар байыаннай сулууспалаахтарга  баһыылкалары тиэрдиини салгыыллар. Бу туһунан байыаннай дьайыы зонатыгар өрөспүүбүлүкэ тирэх пууннарын үлэтин сүрүннээччитэ «Юстас» иһитиннэрдэ.

«Бу күннэргэ байыастар чугас дьонноруттан, аймахтарыттан хас да уон аадырыстаах баһыылканы туппуттара. Биһиги биир баазабытыгар Саха сириттэн 80-тан тахса баһыылка кэмигэр кэллэ, чугастааҕы кэминэн  тиэрдиллиэхтэрэ. Өрөмүөннүүр бөлөх мэхээньиктэрэ икки «Якт-Сокол» квадроциклы чөлүгэр түһэрдилэр уонна өссө алта тиэхиньикэни өрөмүөннүү киирдилэр», – диэн «Юстас» бэлиэтээтэ. Ону таһынан, тирэх пуун үлэһиттэрэ Горнай улууһун уонна Саха Өрөспүүбүлүкэтин бырамыысыланнаска уонна геологияҕа министиэристибэтин дэлэгээссийэлэрин  байыаннай дьайыы зонатыгар арыаллаатылар. «Дэлэгээссийэлэр эрэгийиэнтэн сылдьар байыастары кытта хас да төгүл сирэй көрсөн кэпсэттилэр уонна кинилэргэ гуманитарнай көмөнү туттардылар. Байыаннайдары кытта көрсүһүүлэргэ кинилэр тугу наадыйаллара, көрдөһүүлэрэ чопчуланна», – диэн «Юстас» иһитиннэрдэ, диэн www.sakha.gov.ru суруйар.