Саха сирин тирэх пууннара байыастарга бэлэхтэри тиэрдиини саҕалаатылар

Саха сирин тирэх пууннарын үлэһиттэрэ ДНӨ, ЛНӨ уонна Курскай уобаластарга Аҕа дойду көмүскээччилэрин күнүн көрсө бородуукталаах баһыылкалары байыаннай дьайыы кыттыылаахтарыгар тиэрдиини саҕалаатылар. Бу туһунан Саха сирин территориальнай тирэх пууннарын кылаабынай координатора Юстас иһитиннэрдэ.

«Саха сирин хас биирдии байыаһыгар Ил Дархан бэлэхтэрин тиэрдэр сорук турар. Үлэни байыаннай-бэлитиичэскэй үлэҕэ чаастарын командирдарын солбуйааччыларын кытта ыкса сибээстээхтик ыытыллар. Гуманитарнай таһаҕас кэлиэн иннинэ тырааныспар бэлэмнэммитэ, куттал суох буолуутун хааччыйыытын учуоттаан маршруттара быһаарыллыбыттара», – диэтэ сүрүн координатор.

Бырааһынньыктааҕы бэлэхтэргэ Саха сириттэн таба этэ, ыыһаммыт балык, халбаһыы, сылгы уонна сүөһү этиттэн ас-үөл бородууктата, барыанньа уонна чэй угулуннулар. Хас биирдии баһыылкаҕа эҕэрдэ аккырыыкката уонна саха былааҕын шеврона бааллар.