Саха сирин тирэх пуунун өрөмүөннүүр бөлөҕө 8 тырааныспары чөлүгэр түһэрдэ

Байыаннай дьайыы буола турар сиригэр Саха сирин тирэх пуунун өрөмүөннүүр бөлөҕө өссө эбии 8 тырааныспары чөлүгэр түһэрдэ. Брифиҥҥэ Саха сирин тирэх пууннарын кылаабынай координатора Юстас иһитиннэрэр.

Кини кэпсээбитинэн, сэриилэһэр кыахтара суох буолбут массыыналары уонна квадроцикллары исписэлиистэр кылгас кэм иһигэр өрөмүөннээбиттэр. «Биһиги мэхээньиктэрбит  Саха сирин байыастарын тиэхиньикэлэрин өрөбүлэ суох оҥороллор. Билигин өссө 15 тиэхиньикэ өрөмүөннэнэ турар», — диир Юстас.

Юстас өрөспүүбүлүкэ байыастарыгар нэдиэлэ устата 150 аадырыстаах баһыылканы тиксэрбиттэрин туһунан этэр. Итиэннэ тирэх пуун үлэһиттэрэ өрөспүүбүлүкэ оройуоннарыттан кэлбит биэс дэлэгээссийэҕэ тустаах көмөнү оҥорор. Ол курдук, Хаҥалас, Абый, Аллараа Халыма, Аллайыаха уонна Нерюнгри оройуоннарын бэрэстэбиитэллэрэ бу күннэргэ байыастарын өйөөн барбыттар.

Сиһилии: https://www.sakha.gov.ru/news/20368