Саха сирин тоҕус улууһугар ойуур баһаардара турдулар

Саха сиригэр ойуур баһаардарын ахсаана 58-гэ диэри элбээтэ (от ыйын 31 күнүгэр 47 этэ). Ойуур умайар уопсай иэнэ 48,6 тыһ. гектартан таҕыста. Бу туһунан атырдьах ыйын 1 күнүгэр сарсыарда СӨ Экологияҕа министиэристибэтэ иһитиннэрэр.

Ойуур баһаара тоҕус улуус сиригэр-уотугар умайар: Абый, Үөһээ Халыма, Дьааҥы, Муома, Аллараа Халыма, Орто Халыма, Томпо, Усуйаана уонна Эбээн-Бытантай улуустарыгар. Уоту бохсууга упсайа 259 киһи үлэлиир. Ааспыт сууккаҕа Абый, Дьааҥы уонна Томпо улуустарыгар сэттэ ойуур баһаара умуруоруллубута. Баһаары умуоруу  64%-ҥа тэҥнэһэр.

Санаттахха, Дьааҥы уонна Томпо улуустарыгар Ыксаллаах быһыы-майгы эрэсиимэ үлэлиир.