Саха сирин туроператордара Москва туризмын эйгэтин кытта билистилэр

Самаан сайын кэлэн, дьон үксэ уоппускаҕа барар үтүөкэннээх кэмэ кэлэн, ханна сынньана барарын туһунан толкуйдуу сылдьара чахчы.

Бүгүн киин куорат “Азимут” гостиницатыгар Москва куорат туризмҥа кэмитиэтиттэн элбэх киһилээх бөлөх кэлэн, дойду тэбэр сүрэҕин туристическай эйгэтин туһунан билиһиннэрдилэр. Саха сиригэр бастакы сырыылара эбит. Былырыын Уһук Илин эрэгийиэннэригэр сылдьан саҕалаабыттара, бэрт  үтүө түмүгү аҕалбыт. Онон элбэх туриһы бэйэлэригэр тардар былааннаах аны Саха сиригэр кэлэн, туроператордары кытта көрүстүлэр, санаа атастастылар.

Бу туһунан Москваҕа Туризмы сайыннарыыга бырайыактыыр офис эрэгийиэннэри кытта бииргэ үлэлээһин управлениетын салайааччыта Надежда Зотова санаатын бу курдук үллэһиннэ:

Москва ыалдьыттара Дьокуускайга көтөн кэлээт, аатырбыт Тымныы саарыстыбатыгар сылдьан, хаһан да көрбөтөхтөрүн көрөн сөхпүттэр, саха национальнай куукунатын аһын амсайбыттар. Бу туһунан оробуочай сырыытын сырдатар кэмигэр Надежда Зотова эмиэ ахтан аһарда:

Москваттан кэлбит ыалдьыттар үлэ уопутун атастастылар.  Ол курдук, Туризмы сайыннарыыга бырайыактыыр офис статискаҕа управлениетын салайааччыта Батыр Аннамухамедов,  «Калита-тур» туристическай оператор генеральнай дириэктэрэ Марина Сафронова, Q-block  капсульнай отель бэрэстэбиитэлэ Марта Отова, «Веселое путешествие» туроператор  генеральнай дириэктэрэ Юлия Бриль, Citysightseeing бэрэстэбиитэлэ Константин Колосов бэйэлэрин үлэлэрин хайысхатын билиһиннэрдилэр. Тэрээһин кэнниттэн Москва уонна Дьокуускай куораттар туроператордара бйэйэ-бэйэлэрин кытта чугастык билсэн, бииргэ үлэлэһии биисинэс-сиэссийэтин ыыттылар.

Саха сирин туроператордара тэрээһини олус сөбүлээтилэр, бэрт элбэҕи туһаммыттарын бэлиэтээтилэр.

Бу туһунан YakutiaTripp туроператора Лия Винокурова санаатын бу курдук тиэртэ:

Көрсүһүүгэ кыттыбыт өрүттэр «икки өттүттэн олус туһалаах, бэрт суолталаах тэрээһиҥ буолла» диэн бэлиэтээтилэр.