Саха сирин тустууктара Александр Медведь турнирыгар кыттыахтара

Беларусь Өрөспүүбүлүкэтин Минскэй куоратыгар  олунньу 20-22  күннэригэр үс төгүллээх олимпийскай чөмпүйүөн Александр Медведь бирииһигэр көҥүл тустууга норуоттар икки ардыларынааҕы Гран-при турнир ыытыллыаҕа.

Беларусь Өрөспүүбүлүкэтин аатыттан Арыйаан Тютрин кыттара былааннанар. Кини 57 кг ыйааһыҥҥа диэри киирсиэҕэ. Бу ыйааһыҥҥа Саха сирин тустууктара Федор Постников, Алексей Копылов, Данил Мохначевскай илин-кэлин түсүһүөхтэрэ.

61 кг  диэри ыйааһыҥҥа  Яков Павлов, Петр Константинов, Виктор Яковлев, 65 кг диэри Эдуард Попов, Владислав Кривошапкин, Айхаан Антонов кыттыахтара.  Маны таһынан, турнирга  Иннокентий Бабаранов (74 кг), Николай Сивцев (79 кг), Максим Толмачев, Евгений Аронов (97 кг), Александра Копылова (50 кг) уонна  Севиль Назарова (55 кг) күрэхтэһиэхтэрэ.