Саха сирин тустууктара Бувайсар Сайтиев аатынан турнирга кыттыахтара

Көҥүл тустууга Саха сирин уолаттарга сүүмэрдэммит хамаандата Бувайсар Сайтиев кэриэһигэр ыытыллар норуоттар икки ардыларынааҕы турнирга кыттыаҕа. Күрэхтэһиигэ Кузьма Сивцев салалтатынан 19 тустуук кыттара былааннанар.

Красноярскайга Иван Ярыгин аатынан успорт дыбарыаһыгар 20-с төгүлүн буолаары турар норуоттар икки ардыларынааҕы турнир балаҕан ыйын 5-7 күннэригэр ыытыллыаҕа.

Манна 18 саастарыгар диэри спортсменнар кытталлар. Дойду бастыҥ тустууктара уонна тас дойду хамаандалара кытталлара күүтүллэр.

Саха сириттэн 19 спортсмен тустуоҕа:

42 киилэҕэ: Артур Яковлев;
45 киилэҕэ: Антон Голиков;
48 киилэҕэ: Ринат Охлопков, Руслан Сергин;
51 киилэҕэ: Айтал Михайлов, Антон Григорьев;
55 киилэҕэ: Дмитрий Данилов, Дьулустаан Капитонов, Александр Жданов, Василий Григорьев;
60 киилэҕэ: Леонид Павлов;
65 киилэҕэ: Максим Трофимов, Михаил Семёнов;
71 киилэҕэ: Ахиллес Протопопов, Уйгун Бурцев;
80 киилэҕэ: Нозим Сафаров, Александр Ноговицын;
92 киилэҕэ: Артур Слепцов уонна Пантелеймон Софронеев.