Саха сирин тустууктара Кызылга буолбут турнирга үс мэтээли ситистилэр

Тыва өрөспүүбүлүкэтин Кызыл куоратыгар буолбут «Центр Азии» диэн көҥүл тустууга Арассыыйатааҕы күрэхтэһиигэ Саха сирин тустууктара үс боруонса мэтээли ситистилэр. Бу туһунан «Триумф» успуорка бэлэмнээх буолуу киинин пресс-сулууспата иһитиннэрэр.

61 киилэҕэ Яков Павлов, 74 киилэҕэ Айсен Потапов, 92 киилэҕэ Алексей Ефимов үһүс миэстэ буоллулар. Үһүс миэстэ иһин 10 тыһ. солкуобайынан наҕараадаланнылар.