Саха сирин тустууктара «Шахтерская слава» турнирга кыттыахтара

Саха сирин көҥүл тустууга сүүмэрдэммит хамаандата Кемерово куоракка ыытыллар «Шахтерская слава» норуоттар икки ардыларынааҕы күрэхтэһиигэ кыттыаҕа. 

Турнир балаҕан ыйын 28-29 күннэригэр буолуоҕа. Манна тас дойдулартан уонтан тахса хамаанда, итиэннэ Арассыыйа эрэгийиэннэриттэн кыттыахтара.

Саха сириттэн аҕыс тустуук уонна биир легионер кыттыаҕа: 57 киилэҕэ Николай Охлопков, 61 киилэҕэ Манчаары Ильинов, Ньургун Терентьев, Айаал Белолюбскай, 70 киилэҕэ Олег Фомин, Константин Капрынов, 74 киилэҕэ Николай Сивцев, 86 киилэҕэ Андриан Ленскэй уонна 97 киилэҕэ Максим Толмачев.

Бу туһунан «Триумф» успуорка бэлэмнээх буолуу киин пресс-сулууспата иһитиннэрэр.