Хаартыска: ЯСИА
«Рослесозащита» федеральнай тэрилтэ исписэлиистэрэ Саха сирин тыаларынан шелкопряд ахсаана элбиирин уонна мастары алдьаталлара күүһүрэрин күүтүллэрин сабаҕалыыллар.
«Билигин Сибиир шелкопряда күүскэ тарҕанарынан ордук улахан кутталы үөскэтэр. 2024-2025 сыллардааҕы күн-дьыл туругун уонна атын да чахчыларын учуоттаан, үөн ахсаана элбиирэ, мастар күүскэ алдьаналлара сабаҕаланар. Баҕар, 2026 сылга буортулаах үөнү-көйүүрү эһэр дьаһаллары ыытыы ирдэниэн сөп», — диэн иһитиннэриигэ этиллэр.
Ойуур патологиятын судаарыстыбаннай кэтээн көрүүтүн тэрилтэтэ көрдөрбүтүнэн, Саха сирин тыаларын сүрүн кыһалҕалара — баһаардар, буортулаах шелкопрядтар, күн-дьыл туруга, ойуур ыарыылара уонна киһи дьайыыта буолаллар.
2025 сыл бэс ыйын 27 күнүнээҕи туругунан уопсайа 220 тыһ. гектар иэннээх ойуур алдьаммыта бэлиэтэннэ, онтон 72 тыһыынча гектара өлбүтүнэн билинилиннэ. Ойуур алдьаныытын уонна өлүүтүн сүрүн төрүөтүнэн түөрт-уон сыллааҕыта буолбут күүстээх баһаардар, ону таһынан Сибиир шелкпопряда буолаллар.
Сибиир шелкопряда – 20-чэ көрүҥ мутукчалаах маһы кэрбиир кыахтаах ойуур хаһаайыстыбатыгар улахан буортуну эрэ аҕалар. Үксүгэр кутталы пихта, тиит мас, харыйа мастарга үөскэтэллэр. Сибиир шелкопряда мас лабаатын кэрбээн сиир, оччотугар мас үүнүүтэ мөлтүүр уонна улаатыыта бытаарар. Алдьаммыт мас токуруйуон сөп, ону таһынан түргэнник сытыйар.
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…
Леонид Попов аатынан Сунтаар улуустааҕы библиотекатын айымньылаах үлэтин биир бэлиэ көстүүтүнэн үгэс курдук ыытыллар “Сунтаар…
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа - эр хоһуун санаа уонна үрдүк таһым бэлиэтэ»…
Нерюнгригэ Олоҥхо ыһыаҕар түөрт сыллааҕыта Үөһээ Бүлүүгэ саҕаламмыт «Олоҥхону ааҕабыт» бырайыак салҕанна. Үгэс курдук, бырайыагы…
Саха сиригэр 1 тииптээх саахарынай диабеттаах 2-17 саастаах оҕолор сыл бастакы аҥаарыгар глюкоза тиһигин быспат…