Саха сирин түөрт олохтооҕо Арассыыйа Федерациятын судаарыстыбаннай наҕараадатынан наҕараадаланна

Дойду Бэрэсидьиэнин Владимир Путин 2024 сыл ыам ыйын 29 күнүнээҕи 444 нүөмэрдээх Ыйааҕынан Саха сирин түөрт олохтооҕо наҕараадаланна.

Идэтин дэгиттэр баһылаабыт, идэтигэр үрдүк бэриниилээх Ольга Ушкарева «Саха Өрөспүүбүлүкэтигэр гигиена уонна эпидемиология киинэ» тэрилтэ кылаабынай бырааһа Пирогов уордьанынан наҕараадаланна.

«Аҕа дойду иннигэр үтүөтүн иһин» уордьан ll истиэпэннээх мэтээлинэн Өрөспүүбүлүкэтээҕи 2 нүөмэрдээх балыыһа — Суһал мэдиссиинэ көмөтүн киинин бырааһа Анатолий Потапов наҕараадаланна.

«Хорсун быһыытын иһин» ll истиэпэннээх мэтээлинэн Өлөөн оройуонун киин балыыһатын кылаабынай бырааһа Назар Петров наҕараадаланар чиэскэ тигистэ.

Лука Крымскай мэтээлин Өрөспүүбүлүкэтээҕи 2 нүөмэрдээх балыыһа — Суһал мэдиссиинэ көмөтүн киинин бырааһа Филипп Харлампьев ылла.