Саха сирин түөрт улууһугар ойуур баһаардарын умуруораллар

Бүгүҥҥү туругунан, Саха сиригэр тоҕус ойуур баһаара Дьааҥы, Муома, Уус Маайа, Эбээн Бытантай улуустарыгар баар. Уот ылбыт иэнэ барыта холбоон 10 тыһ. га диэн СӨ Экологияҕа министиэристибэтэ иһитиннэрэр.

Баһаары умуруорууга 123 киһи, аҕыс тиэхиньикэ үлэлиир. Ардаҕы ыҥырарга «Метео» Як-40 зондировщик-сөмөлүөтү Томпоҕо уонна Өймөкөөҥҥө туһаннылар.

Баһаартан сэрэхтээх буолуу эрэсиимэ Дьааҥы, Уус Алдан, Эбээн Бытанйтан улуустарыгар, Жатайга уонна Дьокуускайга олохтоммута. Сезон саҕаланыаҕыттан 114 баһаары умуруорбуттара.