Саха сирин учуонайдара «Золотая осень-2023» быыстапкаҕа 5 кыһыл, 3 үрүҥ, 1 боруонса мэтээли ыллылар

Бу күннэргэ Москваҕа «Золотая осень-2023» XXV Арассыыйатааҕы агропромышленнай быыстапка буола турар. Бу дойду үрдүнэн тыһыынчанан киһи сылдьар биир саамай улахан быыстапка буолар.

Манна кыттааччыларга уонна ыалдьыттарга билим араас салааларыгар туох саҥа ситиһиилэр киирбиттэрин уонна ол олоххо хайдах туһанылларын көрдөрөллөр.

Быыстапкаҕа Саха сириттэн Тыа хаһаайыстыбатын министиэристибэтин састаабыгар киирсэн РНА ХС Саха сиринээҕи билимин киинин Дьокуускайдааҕы тыа хаһаайыстыбатын научнай-чинчийэр институтун учуонайдара кытта сылдьаллар. Институт үлэһиттэрэ быыстапкаҕа бэйэлэрин кэллэктиибиниэн үлэлэрин туруордулар. Ол курдук, алтынньы 6 күнүнээҕи иһитиннэриинэн, биһиги учуонайдарбыт 5 кыһыл көмүс, 3 үрүҥ көмүс уонна 1 боруонса мэтээли ылары ситиспиттэр.

Номинацияларга ордук биһирэбили билим рекомендациялара, прикладной методическай босуобуйалар ылаллар. Тыа хаһаайыстыбатын билимин хандьыдаата, учуонай сэкирэтээр эбээһинэһин толорооччу, ынах сүөһүнү иитиигэ уонна буоһатыыга лаборатория ыстаарсай научнай үлэһитэ Ньургустаана Алексеева Институт кэллэктиибин «За эффективное информационно-консультационное обеспечение АПК» куонкуруска «Система введения сельского хозяйства в Республике Саха (Якутия) на период 2021-2025 годы» үлэтинэн «Разработка, выпуск и доведение до потребителей изданий по агропромышленной тематике» номинацияҕа кыттан, күүстээх күрсэтэһиигэ үрүҥ көмүс мэтээли ылары ситистэ.

Эмиэ ити куонкуруска Институт кэллэктиибэ «За разработку и выпуск каталога инновационных разработок ЯНИИСХ ФИЦ ЯНЦ СО РАН для сельхотоваропроизводителей РС (Я)» бырайыагынан боруонса мэтээлинэн наҕараадаланна.

Оттон тыа хаһаайыстыбатын билимин дуоктара, сүөһү аһылыгын оҥоруу уонна оҕуруот аһын үүннэрии лабораториятын кылаабынай научнай үлэһитэ Сахаяна Павлова «За успешное внедрение инноваций в сельском хозяйстве» куонкуруска «Разработка и внедрение инновационных технологий возделывания многолетних трав на сенокосных и пастбищных угодьях мерзлотных почв Якутии» бырайыага кыһыл көмүс мэтээли ылла.

Тыа хаһаайыстыбатын билимин хандьыдаата Елена Пестерева «Разработка и внедрение инновационных технологий возделывания перспективных однолетних кормовых культур для производства кормов в условиях криолитозоны» бырайыагын эмиэ кыһыл көмүс мэтээлгэ көмүскээтэ.

Тыа хаһаайыстыбатын билимин хандьыдаата Валентина Белевцова «Инновационная разработка создания межвидовой формы земляники высокоадаптированного сорта Александра в условиях криолитозоны» бырайыага үрүҥ көмүс мэтээлгэ тигистэ.

Бэтэринээринэй билим дуоктара, гельминтология лабораториятын кылаабынай научнай үлэһитэ Людмила Коколова уонна бэтэринээринэй билим хандьыдаата, ыстаарсай научнай үлэһит Любовь Гаврильева «Внедрение технологии профилактики и лечения лошадей табунного содержания от распространенных паразитарных болезней» бырайыактара эмиэ кыһыл көмүс мэтээли ылла. Кинилэр «Разработка и внедрение базы данных: по отлову и изучению гельминтов у мышевидных грызунов; По северному пироплазмозу домашних северных оленей» бырайыактара кыһыл көмүс мэтээлгэ, оттон «Эффективные формы интеграции современной аграрной науки и образования МСХА» үлэлэрэ үрүҥ көмүс мэтээлгэ тигистэ.
Институт учуонайдарын «Переработка ягод черной смородины из районированных сортов в Якутии» кэллэктиибинэн үлэлэрэ эмиэ хамаандаларыгар кыһыл көмүһү аҕалла.

«Золотая осень-2023» XXV Арассыыйатааҕы быыстапка салҕанан барар, биһиги учуонайдарбыт алтынньы 7 уонна 20 күннэригэр, өссө даҕаны атын бырайыактарынан мэтээллэри ылар кыахтаахтар диэн Арассыыйа Билимин академиятын Сибиирдээҕи салаатын Гуманитарнай чинчийии уонна аҕыйах ахсааннаах хотугу омуктар кыһалҕаларын институтун пресс-сулууспата иһитиннэрэр.