Хаартыска: www.sakha.gov.ru
«Көмүс күһүн» Бүтүн Арассыыйатааҕы агробырамыысыланнай быыстапкаҕа түмүктэри таһаарыы бастакы күнүгэр Арассыыйа Наукаларын академиятын Сибиирдээҕи салаатын «Дьокуускайдааҕы научнай киин» Федеральнай чинчийэр киинин Тыа хаһаайыстыбатын Дьокуускайдааҕы научнай-чинчийэр институтун учуонайдара киллэрбит бары сайаапкаларынан көмүс мэтээллэргэ тигистилэр. Бу туһунан СӨ Тыатын хаһаайыстыбатын министиэристибэтигэр иһитиннэрэллэр.
Наҕараадалар Хотугу кыраай тыйыс усулуобуйатыгар тыа хаһаайыстыбатын сайыннарыыга туһуламмыт инновационнай оҥоһуктарга анаан туттарылыннылар. Сүөһү аһылыгын оҥоруутун лабораториятын сэбиэдиссэйэ, «Агроурожай» ХЭО дириэктэрэ Елена Пестерева оҥоһуктарын иһин үс көмүс мэтээли ылла: «Саха сирин ирбэт тоҥ буордаах сиригэр оҥоһуллар сир оҥоруутугар сүөһү аһылыгын оҥорон таһаарарга саҥа үүнээйилэрин үүннэрии технологиятын киллэрии»; «Хотугу кыраай ирбэт тоҥ буоругар кэскиллээх биир сыллаах үүнээйилэри үүннэрии технологиятын киллэрии»; «Саха сирин усулуобуйатыгар сиилэһи уонна сенаһы бэлэмнээһин көдьүүстээх технологиялара».
Төрдүс көмүс мэтээл Гельминтология лабораториятын сэбиэдиссэйэ Людмила Коколоваҕа «Саха сиригэр кыстык тыйыс усулуобуйатыгар сылгыны эбии аһатарга “Биогельм”» иһин туттарылынна.
Бүгүн, алтынньы 10 күнүгэр, РФ Тыатын хаһаайыстыбатын министиэристибэтин Үүнээйи үөрэҕин департаменын уонна Бэтэринээрийэ департаменын номинацияларыгар киллэриллибит өссө биэс сайаапка түмүгэ биллиэҕэ.
«Көмүс күһүн» – дойду агробырамыысыланнай комплексын ситиһиилэрин көрдөрөр, Арассыыйаҕа саамай бөдөҥ быыстапка. Үгэс быһыытынан, «Тимирязев Центр» үөрэх-быыстапка комплексын сиригэр-уотугар ыытыллар. Сиһилии манна аах: https://www.sakha.gov.ru/news/13499
Кыра оҕолордоох ийэлэр оҕо түүн уһуктарыттан сылтаан, ууларын хамматтар, онтон сылтаан доруобуйалара да эмсэҕэлиэн сөп.…
Япония Осака куоратыгар ЭКСПО Аан дойдутааҕы быыстапката түмүктэнэн эрэр. Алта ый устата 158 дойду ситиһиитин…
Ил Түмэн дьокутаата Антонина Григорьева Ил Түмэҥҥэ Саха Өрөспүүбүлүкэтин Төрүт Сокуонугар уларытыылары киллэриигэ анаммыт аһаҕас…
Саха эстрадатын биир биллэр-көстөр ырыаһыта Эрхаан Саха Өрөспүүбүлүкэтин Үтүөлээх артыыһа бочуоттаах ааты тутта. Билигин Дьокуускайга…
Саха сириттэн Айтал Коркин «Гордость нации – 2025» бириэмийэ эрэгийиэннэр икки ардыларынааҕы түһүмэҕин «Судаарыстыбаннай национальнай…
Киһи ньиэрбинэйдээбит, кыраттан кыйыттан кыыһырбыт кэмигэр этэ-сиинэ, өйө-санаата истириэһирэр. Бу кэмҥэ уоскуйар туһуттан тугу гыныа…