РФ Үөрэҕириигэ министиэристибэтин академията математика учууталларын, преподавателлэрин ортолоругар ыыппыт Бүтүн Арассыыйатааҕы маастар-кылааска куонкуруһун түмүгэ билиннэ. 350-ча педагог кыттыбытыттан Үөһээ Бүлүү Д.С.Спиридонов аатынан 4-с, И.Н.Барахов аатынан 1-кы нүөмэрдээх оскуолалар алгебраҕа, геометрияҕа учууталлара кыайыылааҕынан таҕыста.
Тустаах куонкуруска дойду 59 эрэгийиэниттэн 350-ча педагог кыттыбыт. Куонкурус математика учууталларын ортолоругар түөрт хайысханан барбыт: алын, сүрүн, орто оскуолалар учууталлара итиэннэ орто анал үөрэх преподавателлэрэ. Александр Дмитриев орто оскуолалар хайысхаҕа бастаата. Саха сирэ.ру сайт суруналыыстара кыайыылааҕы кытта төлөпүөнүнэн сибээстэһэ сырыттыбыт.
— Эһиил математика учууталларын норуоттар икки ардыларынааҕы сийиэһэ буолаары турар. Онно кыттарга Арассыыйаттан бэрэстэбиитэллэри көрдүүллэр. Дойду Үөрэҕириигэ министиэристибэтэ кэтэхтэн куонкуруһу тэрийбитэ. Тэрээһин ирдэбилинэн, 15 мүн. иһигэр маастар-кылаас көрдөрүөхтээхпит, миэнэ фигуралар объемнарыгар аналлаах. Бу уруок, лиэксийэ эҥин буолбатах, онон арыый ураты соҕус форматтаах барар. Маастар-кылааспар гуманитарнай биридимиэт учууталлара кыттыбыттара, 15 мүн. иһигэр объем формулаларын бэйэлэрэ булан таһаарыахтаахтар.
Хас хайысха ахсын биирдии кыайыылааҕы уонна биэстии призеру талаллар. Мин орто оскуола учууталлара категорияҕа бастаатым, — диэн кылгастык санаатын үллэстэр.
Александр Саввич идэтинэн математика учуутала, Саха судаарыстыбаннай университетын бүтэрбит. Учууталлаабыта 21 сыл буолбут. Күн бүгүн Д.С.Спиридонов аатынан Үөһээ Бүлүү улууһун 4-с нүөмэрдээх, И.Барахов аатынан 1-кы нүөмэрдээх оскуолаларга алгебра, геометрия уруоктарын үөрэтэр. “Сыл учуутала-2022” куонкурус өрөспүүбүлүкэтээҕи түһүмэҕин призера.
Видеоны манна көрүҥ.
Бу улуустарга быыбардар итиини биэрии уонна чөлүгэр түһэрэр үлэлэр кэмнэригэр бараллар – чөлүгэр түһэрии балаҕан…
Ленскэй оройуонун дьаһалтата иһитиннэрбитинэн, балаҕан ыйын 13 күнүгэр оройуон урукку баһылыга, "Арман" ХЭУо салайааччыта Жумарт…
Былатыан Ойуунускай аатынан Саха академическай тыйаатырын артыыһа Сандаара Федотова «сулустаах чааһа» «Саха» НКИХ аатырбыт «Уот…
Биир дойдулаахпыт 17 саастаах Артур Портнягин НТВ ханаалыгар «Ты супер!» биэриигэ кыттыаҕа. ЯСИА суруйарынан, Артур…
Бүгүн, балаҕан ыйын 14 күнүгэр, олохтоох бириэмэнэн сарсыарда 08:00 чаастан Нам улууһугар быыбардыыр учаастактар үөрүүлээхтик…
Өбүгэлэрбит күһүнү түөрт кэрчиккэ үллэрэллэрэ. Ол курдук, атырдах ыйын 14 күнүттэн балаҕан ыйын 14 күнүгэр…