Саха сирин үөрэҕириитигэр уонна үүнэр көлүөнэни иитиигэ уһулуччулаах ситиһиилэрин иһин Саха сирин учууталларын үрдүк судаарыстыбаннай наҕараадаларынан бэлиэтээтилэр.
Наҕараадалары Ил Дархан Айсен Николаев Атырдьах ыйынааҕы пленарнай мунньахха туттарда. «Чуолаан үөрэх тиһигэ киһи оҕо эрдэҕиттэн өйүн-санаатын, үрдүк култууратын, билиини иҥэринэр, дьиҥнээх гражданин, профессионал уонна күүстээх лиичинэс буоларыгар кыаҕы биэрэр бигэ тирэх буолар. Саха сирин бары учууталларыгар кэлэр көлүөнэни иитиигэ үлэлэрин иһин махтанабын уонна Билии күнүнэн эҕэрдэлиибин», — диэтэ Айсен Николаев. Үгэс буолбут сүбэ мунньахха Саха сирин араас муннуктарыттан учууталлар муһуннулар. Өрөспүүбүлүкэ сэттэ чулуу учууталлара «Саха сирин үтүөлээх учуутала», «Гражданскай килбиэн» туйгун бэлиэлэринэн уонна «СӨ үөрэхтээһинин үтүөлээх үлэһитэ» бочуоттаах аатынан бэлиэтэннилэр.
Ол курдук, ««СӨ үөрэхтээһинин үтүөлээх үлэһитэ» бочуоттаах аат Дьокуускай 4 №-дээх анал коррекционнай оскуола дириэктэрэ Лена Ноговицынаҕа иҥэрилиннэ. Кини үөрэх эйгэтигэр 36 сыл үлэлээбит. «Бүгүн миэхэ олус долгутуулаах күн үүннэ. Ил Дархан илиититтэн наҕарааданы тутар олус үчүгэй. Үөрэх эйгэтигэр 36 сыл үлэлээтим, олортон оскуола дириэктэринэн — 20 сыл. Үлэбин коррекционнай оскуолаҕа учуутал-дефектолог идэтигэр саҕалаабытым. Биһиги оскуолабытыгар үлэбит ураты — хас биирдии кырачаан үөрэнээччилэрбит ситиһиилэрэ биһигини олус үөрдэр. Коррекционнай оскуолаҕа боростуой дьон буолбакка, дьиҥнээх учууталлар үлэлииллэр», — диэн Дьокуускайдааҕы 4 №- дээх анал коррекционнай оскуола дириэктэрэ Лена Ноговицына кэпсээтэ.
Атырдьах ыйынааҕы сүбэ мунньах чэрчитинэн төгүрүк остуоллар, сэминээрдэр, стратегическай сиэссийэлэр, үөрэх интенсивтара, мастарыскыайдар, панельнай дьүүллэһиилэр ыытыллаллар. Учууталлар бу пуорум профессиональнай дьоҕурдарын сайыннарыыга улахан суолталааҕын бэлиэтииллэр. Саха сирин араас оройуоннарыттан учууталлар уопут атастаһаллар.
Балаҕан ыйын 20-22 күннэригэр Дьокуускайга "Арктика - территория стратегических научных исследований" II кэнгириэс буолаары турар.…
Үгэскэ кубулуйбут “Ас-үөл-2024” быыстапка-дьаарбаҥкаҕа Саха сирин бары улуустарыттан пиэрмэрдэр, оҥорон таһаарааччылар, агро-оскуолалар Дьокуускайга мустан, бородууксуйаларын…
"Мобильнай дуоктардар" Арктика оройуоннарын олохтоохторугар мэдиссиинэ көмөтүн оҥороллорун салгыыллар. Билиҥҥитэ 4 улууска 1500-тан тахса киһини…
Саха сирин Үрдүкү суутун апелляцияҕа кэллиэгийэтэ икки кыра оҕо пневмониялаан өлүүтүгэр буруйдаах төрөппүттэр холуобунай дьыалаларын…
Дьокуускайга кадеттар лицей-интэринээттэригэр “Юнармия” өрөспүүбүлүкэтээҕи хамсааһын IX патриотическай сүлүөтэ саҕаланна. Тэрээһиҥҥэ 14 улуустан, куорат уокуругуттан…
Саха сиригэр оҕолоох ыалларга өйөбүлү оҥорууга бэрт суолталаах быһаарыылары ылыналлар. Бу туһунан РФ Бэрэсидьиэнин иһинэн…