Хаартыска: minobrnauki.sakha.gov.ru
Саха сирин уһуйааннарын иитээччилэрэ Санкт-Петербурдааҕы постдипломнай педагогическай үөрэх академиятыгар уонна куорат үөрэҕин тэрилтэлэригэр идэ таһымын үрдэтэр куурустарга сылдьаллар, быраактыкалары ааһаллар.
Куурустары Санкт-Петербург үөрэҕин тэрилтэлэрин инновационнай уопутун, эрдэтээҥҥи көмөнү тэрийии быраактыкатын, оҕолор интеллектуальнай кыахтарын уонна талааннарын сайыннарар соруктаах үлэни кытта билиһиннэрээри Оҕо саас лабаратыарыйата тэрийэр. Бу туһунан СӨ Үөрэҕин уонна билимин министиэристибэтин саайтыгар суруллар.
Бырагыраамаҕа «Цифровые ресурсы образовательного учреждения как одно из условий реализации современных образовательных программ» тиэмэлээх үөрэх сэминээрэ, лиэксиэйэлэр уонна уһуйааннарга үөрэх саҥа федеральнай бырагырааматын усулуобуйатыгар үөрэх иһитиннэрэр эйгэтинэн дьарыктар, муусука-тыйаатыр үлэтин тэрийии, маастар-кылаастар киирэллэр. Ону тэҥэ, иитээччилэр аныгы уһуйааҥҥа сыыппара технологиятын, экология-экэниэмикэ үөрэхтэрин киллэрии уопутун үллэстэллэр.
Бырагыраама салайааччыта Юрий Семенов институт ректора Андрей Богданцевы кытта көрүстэ. Аспирантура, оскуола иннинээҕи үөрэхтээһин уонна коррекционнай педагогика хайысхаларынан бииргэ үлэлэһэргэ сөбүлэстилэр.
Ону тэҥэ, үлэ сырыытынан үс бастыҥ көрдөрүүлээх уһуйааҥҥа, Бүтүн Арассыыйатааҕы кэмпириэнсийэҕэ сылдьыахтара, мэтэдиичэскэй сэминээр иитинэн Саха сирин педагогтара Санкт-Петербург иитээччилэригэр маастар-кылаас көрдөрүөхтэрэ.
“Маннык стажировкаларга быраактыка кэмигэр биир идэлээхтэрбит үлэлэрин кытта билсэр, ыйытыы биэрэр, оҕо хайдах ылынарын илэ көрөр, мэтэдиичэскэй матырыйааллары уонна үөрэх эйгэтин кытта билсэр, тэйиччиттэн эбэтэр теоретическай куурустардааҕар быдан көдьүүстээх уонна түмүктээх буолар”, — диэн Бүлүү куорат “Туллукчаан” уһуйааныттан Надежда Софронеева санаатын үллэстэр.
Суукка иһигэр өрөспүүбүлүкэҕэ икки буруйу оҥоруу тахсыбыта бэлиэтэннэ. Бу туһунан СӨ Борокуратуурата иһитиннэрэр. Дьокуускай куоракка…
Оҕолору анал кириэһилэтэ суох таһыы иһин ыстараап икки бүк кэриҥэ улаатар. Ол курдук, тохсунньу 9…
Бу күннэргэ Тымныы полюһунан аатырар Өймөкөөн нэһилиэгэр туристар үгэс быһыытынан тоҕуоруһа мусталлар. Тымныы хаһаайынын --…
Тохсунньу 8 күнүгэр Мэҥэ Хаҥалас улууһун отделын дьуһуурунай чааһыгар «Халыма» федеральнай суолга суол быһылаана тахсыбытын…
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…