Саха сирин уһулуччулаах кардиохирура Петр Захаров 75 сааһын туолла

Бүгүн Саха сирин уһулуччулаах кардиохирура, мэдиссиинэ наукатын дуоктара, СӨ штаты таһынан кылаабынай хирура, Арассыыйа уонна Саха Өрөспүүбүлүкэтин үтүөлээх бырааһа, кардиохирургическай сулууспаны төрүттээччи Петр Иванович Захаров 75 сааһын туолла.

Бу туһунан СӨ Доруобуйа харыстабылын министиэристибэтэ иһитиннэрэр.
Саха сиригэр Петр Захаровы билбэт киһи суоҕа буолуо. 40-н тахса сыл сүрэх уустук эпэрээссийэтин оҥорон элбэх киһини быыһаабыт, мэдиссиинэҕэ аныгы технологиялары киллэрбит уонна эдэр көлүөнэ хирурдары бэлэмнээбит үтүөлээх.
Петр Иванович тус олоҕо уонна талан ылбыт үлэтигэр бэриниилээх буолуута чаҕылхай холобурунан буолар.
Доруобуйа харыстабыла сайдарыгар үтүөлээх, үлэлии сылдьар быраас, учуонай нэһилиэнньэ олоҕо уонна доруобуйата көнөрүгэр үрдүк чыпчаалы ситиспитэ.
Кини сыралаах үлэтинэн Саха сиригэр кардиохирургия үрдүк таһымҥа таҕыста, оттон тыһыынчанан сүрэх ыарыһах дьон олохторо быыһанна.

Петр Иванович Захаров бүгүн Арассыыйаҕа биллэр кардиохирург, Илин Уһук биир бастыҥ хирура. Кини эпэрээссийэлэрэ, научнай үлэлэрэ Арассыыйаҕа эрэ буолбакка, аан дойду таһымыгар үрдүктүк сыаналаналлар. Кини бииргэ үлэлиир дьонун, мэдиссиинэ үлэһиттэрин уонна өрөспүүбүлүкэ олохтоохторун ортотугар улахан ытыктабылы ылар.