Саха сирин уолаттара MFP турнирыгар саамай эриэккэс киирсиини көрдөрдүлэр 

Григорий Попов Артем Буткоҕа хоттордо.

Аныгы панкратиоҥҥа (18+) MFP турнира Уһук Илин киин куоратыгар Арассыыйаттан эрэ буолбакка, атын дойдулартан кэлбит идэтийбит спортсменнары уонна булкаас күөн көрсүүнү сэҥээрээччилэри түмтэ. Арассыыйа спортсменнара Бразилия, Кытай, Белоруссия уонна Кыргызстан спортсменнарын кытта күрэхтэстилэр.

Сүрүн киирсии ааттаах-суоллаах саха уола, UFC экс-байыаһа, 41 саастаах Григорий Попов (14-4) уонна Кэбээйи улууһун Сангаар бөһүөлэгиттэн төрүттээх Артем Бутко (4-0) ыккардыларыгар буолла.

Көрбүт дьон бу киирсиини саамай тэтимнээх уонна кырыктаах диэбиттэр. Чэпчэки ыйааһынаах (61 киилэ) спортсменнар кыайыыга дьулуурдарын толору көрдөрдүлэр, төһө да эчэйдэллэр, ыарыыны билиммэккэ киирсибиттэрин курдук киирсэ турдулар. Миэдик көмөтө кытта наада буолла. Түмүккэ, судьуйалар кыайыыны Буткоҕа биэрдилэр.

Артем Бутко профессиональнай рекордун 5-0 диэри тиэртэ. Кинини тириэньэр Мохаммед Кривошапкин боксаҕа оскуолатын ааспыта, диэн суруйар Sportyakutia.ru