"Бэйбэрикээн" киинэҕэ уһуллуу түгэнэ
Арассыыйа олохтоохторугар Саха сиригэр уонна атын эрэгийиэннэргэ оҥоһуллар киинэни улахан экраҥҥа таһааран, билсэр кыаҕы биэриэххэ наадатын туһунан киноиндустрия бэрэстэбиитэллэрин этиилэрин Владимир Путиҥҥа Саха сириттэн кини итэҕэллээх киһитэ Алексей Егоров тиэрдиэҕэ.
Алексей Егоров күнү быһа Дьокуускайга уопсастыбаннай приемнайга үлэлээтэ. Ол тухары араас эйгэҕэ үлэлиир Саха сирин олохтоохторуттан бэрэсидьиэҥҥэ этиилэрин тиэртилэр, Саха өрөспүүбүлүкэтэ уонна бүтүн дойдубут кэлэр кэскилин хайдах көрөллөрүн туһунан санааларын үллэһиннилэр.
Уопсастыбаннай приемнайга бу күннэргэ сылдьааччылар, үксэ айар идэҕэ эриллэ сылдьар ыччат буоллулар. Ол курдук, Владимир Путин аадырыһыгар Саха сирин режиссера уонна сценарийа аатырбыт «Чээрин» киинэни устубут Дмитрий Кольцов этиитин биэрдэ. Кини «Үлэ кыбаартала» медиа-лаборатория салайааччыларыттан биирдэстэрэ, Саха сиригэр, уонна уопсайынан эрэгийиэннэргэ киинэ оҥорооччулара туох ыарахаттары көрсөллөрүн үчүгэйдик билэр. Кини этиитэ бу креативнай салаа бэрэстэбиитэлиттэн диэххэ сөп.
Дмитрий Кольцов киинэни оҥорууга эрэ буолбакка, дойду киинэ тыйаатырдарыгар быракаакка таһаарыыга эмиэ өйүөххэ наада диэн санаатын эттэ. Кини санаатынан, билигин Арассыыйа араас уһуктарыгар уһуллубут киинэ ис хоһоонунан уонна хаачыстыбаларынан бөдөҥ федеральнай киинэ хампаанньалар оҥороллоруттан туох да итэҕэһэ суох. Киинэ индустриятын түргэн тэтимнээхтик сайыннарыыга көрөөччү аудиториятын кэҥэтии улахан көдьүүстээх буолуо диэн эттэ эдэр режиссер.
Санатан эттэххэ, Владимир Путин уопсастыбаннай приемнайа Саха сиригэр 2023 сыл ахсынньытыттан үлэтин саҕалаабыта. Приемнай кулун тутар 15-17 күннэригэр ыытыллар Арассыыйа Бэрэсидьиэнин быыбарыгар диэри үлэлиэҕэ.
Киин быыбар хамыыһыйата Арассыыйа Бэрэсидьиэнин быыбарыгар түөрт хандьыдааты кыттарга көҥүллээбитэ. Олор истэригэр, дойдубут билиҥҥи бэрэсидьиэнэ Владимир Путин, Николай Харитонов (КПРФ), Леонид Слуцкай (ЛДПР) уонна Владислав Даванков («Новые люди») бааллар.
Сарсын, ахсынньы 14 күнүгэр, киэһэ 17.00 чаастан «Триумф» успуорт уораҕайыгар «Хотугу сир ыҥырыыта»/«Вызов Севера» профессиональнай…
Саха сиригэр чоҕу хостуур шахтатыгар хайа маассата суулунна. Ыксаллаах быһыы-майгы тахсыбытын туһунан Cаха сиринээҕи ЫБММ…
Чурапчытааҕы Силиэстийэлиир кэмитиэтин Ис Дьыалаҕа управлениетын отдела хомуйбут дакаастабылынан Бороҕон сэлиэнньэтин 40 саастаах дьахтара буруйдааҕынан…
Судаарыстыбаннай Дуумаҕа көрүллүбүт сокуон барылынан, холобур, тырааныспарынан 40 км/ч түргэн тэтимнээхтик сырыы иһин ыстараап 500…
Ахсынньы 13 күнүгэр Саха сирин арҕаа, хотугулуу-илин, Арктика оройуоннарынан кыралан хаар түһэр, киин улуустарынан сөҥүүтэ…
ХОЙ Айар үлэҕэр табыллар кэм. Бу кэмҥэ санаа көтөҕүллүөн сөп. Салалтаҕар бэйэҕин үчүгэй өттүнэн көрдөрөн…