Саха сирин уонна Дагестан аэропуортарын саҥардыыга 1 млрд солк. көрүллүөҕэ

РФ Бырабыыталыстыбата Саха сирин  уонна Дагестан аэропуортарын саҥардан оҥорууга  1 млрд солк. көрүөҕэ.

«Дойду Аҕа баһылыга аэропуорт ситимнэрин сайыннарыы — бу эрэгийиэни уонна Арассыыйаны сайыннарыыга төһүү күүһүнэн буолар диэн этэн турар«, — диэн бэлиэтээн этэр РФ Бырабыыталыстыбатын бэрэссэдээтэлэ Михаил Мишустин.

Тырааныспар министиэристибэтигэр 2023 сылга Дагестан уонна Саха сирин аэропуортарын саҥардыыга 1 млрд солк. көрүллүөҕэ.   Онон, Дагестаҥҥа Махачкала  аэропуордун көтөр-түһэр балаһатын тутууга уонна Саха сиригэр 2024 сылга Өлүөхүмэ аэропуордун саҥардыыга үлэ барыаҕа.