Саха сирин уонна Кытай Цзянси провинциятын икки ардыгар Сөбүлэһии түһэрсилиннэ

Share

Саха сирэ Кытай Норуодунай Өрөспүүбүлүкэтин Цзянси провинциятын кытары доҕордуу сибээс туһунан Сөбүлэһии түһэристэ.

Арассыыйа — Кытай VIII Экспо чэрчитинэн докумуоҥҥа ыам ыйын 17 күнүгэр өрөспүүбүлүкэ Ил Дархана Айсен Николаев уонна Цзянси провинция Норуодунай бырабыыталыстыбатын вице-губернатора Ся Вэньюн илии баттаатылар. Докумуон сүрүн пуунунан Саха сиригэр уйа туттар уонна Цзянсига кыстыыр Сибиир үрүҥ туруйатын харыстааһын туһунан буолла.
Айсен Николаев эппитинэн, Саха сирин уонна Цзянси провинция икки ардыларыгар бастакы сибээс өссө 2019 сыллаахха олохтоммута.
«Биһиги эрэгийиэннэрбит икки ардыларыгар доҕордуу сибээһи олохтуур туһунан Сөбүлэһиигэ кыталыктары -– үрүҥ туруйалар араастарын харыстыыр үлэ киирбититтэн олус үөрэбин. Чуолаан Саха сиригэр уйаланар уонна ууһуур,  биһиги норуоппут ытык көтөрө биһиги эрэгийиэннэрбитин ситимнээтэ. Үрүҥ туруйа  Цзянси провинция кэрэ бэлиэтинэн эмиэ буолар, манна Поянху күөлгэ кыстыыр. Биһиги эрэгийиэннэрбит бииргэ үлэлээһиннэрэ улахан кэскиллээҕэр эрэнэбин!» —  диэтэ Ил Дархан.
Ся Вэньюн: «Саха Өрөспүүбүлүкэтэ Арассыыйаҕа биһиги сүрүн бииргэ үлэлэһээччибитинэн буолар. Кэнники сылларга икки эрэгийиэн икки ардыгар хардарыта сыһыаммыт сайдар. Үрүҥ туруйа биһиги норуоттарбытын ситимниир далаһанан буолла диэн этиэххэ сөп. Онон биһиги экология салаатыгар салгыы бииргэ үлэлиэхтээхпит», – диэн Арассыыйа уонна Кытай Култууратын хардарыта сылларын биллэрии салгыы бииргэ үлэлээһини кэҥэтэргэ үчүгэй кыаҕынан  буоларын бэлиэтээтэ уонна өрөспүүбүлүкэ салалтатын Цзянси провинциятыгар ыҥырда.
Доҕордоһуу туһунан Сөбүлэһиигэ илии баттаан, өрүттэр икки эрэгийиэҥҥэ эргиэн-экэниэмикэ сибээһэ кэҥииригэр, тыа хаһаайыстыбатын, ас-үөл эйгэтигэр уонна бырамыысыланнаска сыһыаны, инновацияны сайыннарыыга, үөрэх, наука эйгэтигэр бииргэ үлэлииргэ көмөлөһөргө бэлэмнэрин эттилэр.

Recent Posts

  • Сонуннар
  • Сүрүн

Куорат уонна тыа олохтоохторугар биэнсийэ кээмэйэ төһө буолбутуй?

РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…

12 минут ago
  • Сонуннар
  • Уопсастыба

Бүгүн икки улууска быстах кэмҥэ уоту араарыахтара

Бүгүн, атырдьах ыйын 31  күнүгэр, өрөспүүбүлүкэ икки улууһугар быстах кэмҥэ өрөмүөн үлэтэ ыытылларынан сибээстээн, күн…

42 минуты ago
  • Интэриэһинэй
  • Сонуннар

Күннээҕи гороскоп: атырдьах ыйын 31 күнэ

Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска,…

1 час ago
  • Сонуннар
  • Сүрүн

Атырдьах ыйын 31 күнэ: быстах ардах, туман, хаһыҥ, күнүс +25°С

Өрөспүүбүлүкэ үгүс улуустарынан бүгүн, атырдьах ыйын 31 күнүгэр, сөҥүүтэ суох, сылаас күн. Сорох сиринэн  быстах…

2 часа ago
  • Сонуннар
  • Чэгиэн

Ыарыыны сыһыаралларыгар сөбүлэһэр курдук…

Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…

13 часов ago
  • Сонуннар
  • Уопсастыба

Саха гимназиятыгар «Дьокуускай — Донецкай» телемост буолла

Бүгүн, атырдьах ыйын 30 күнүгэр,  Дьокуускай куоракка Саха гимназиятыгар  уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…

14 часов ago