Андрей Сорокин хаартыскаҕа түһэриитэ
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН» киин филиалларын хамаандалара – «Боотур» уонна «Соболь» – финалга таҕыстылар.
Сарсын, балаҕан ыйын 19 күнүгэр, кыайыылааҕы быһаарар күрэхтэһии буолуоҕа. Балаҕан ыйын 20 күнүгэр – наҕараадалааһын уонна күрэхтэһиилэр сабыллыылара.
Саха сирин хамаандата балаҕан ыйын 16 күнүгэр бастакы полуфиналга Хабаровскай кыраай «Амур буойуннара» хамаандатын кыайбыта. Тургутуулар бүтүүлэригэр «Боотур» хамаандатын бойобуой дьоҕура 50% (5 кыттааччы туораабыт), оттон «Амур буойуннара» — 10% (9 кыттааччы туораабыт) буолбут. Иккис полуфиналга балаҕан ыйын 17 күнүгэр «ВОИН» киин Тюменнээҕи филиалын «Соболь» хамаандата Волгоград уобалаһын «Сталинград» хамаандатынааҕар күүстээҕэ биллибитэ. Ол түмүгэр «Сталинград» хамаандатын бары кыттааччылара, оттон Тюмень уобалаһын хамаандатыттан 7 курсант туораабыттара.
Хамаандалар тургутууларга күүскэ бэлэмнэнэн уонна кыайыыны ситиһэргэ турунан кэлбиттэр, ким да хотторор санаата суох этэ. Кинилэр 25 кв. килэмиэтир иэннээх уустук сиргэ лазертаг систематын, интегрированнай камералаах снайперскай бинтиэпкэлэри, FPV-дроннары туһанан усулуобунай өстөөх бөлөҕүн булан «суох оҥорор» сыаллаах этилэр. Кыттааччылар аныгы сэрии сэбинэн, араадьыйанан, БПЛА-ны туттубуттара. Кинилэр окуопа хаспыттара, разведкаҕа сылдьыбыттара, тоһуурга сытыы уонна өстөөххө кэтэҕинэн киирэр ньыманы туһаммыттара.
Тургутуулар «ВОИН» киин СӨ Бырабыыталыстыбатын уонна Арассыыйа Бойобуой снайпинын федерациятын өйөбүлүнэн балаҕан ыйын 15 күнүттэн 20 күнүгэр диэри ыытыллаллар. Бу Арассыыйа Федерациятын Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илиҥҥи федеральнай уокуругар боломуочуйалаах бэрэстэбиитэлэ, «ВОИН» киин Кэтээн көрөр сэбиэтин Бэрэссэдээтэлэ Юрий Трутнев сорудаҕынан Саха сиригэр ыытыллар уонна «ВОИН» киин курсаннары бэлэмниир систиэмэни тупсарыыга уонна ылбыт билиини практикаҕа туһанар сыаллаах.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…