Хаартыска sakha.gov.ru ылылынна
Бүгүн Кириэмил улахан дыбарыаһыгар Владимир Путин Арассыыйа Бэрэсидьиэнин солотугар киирэр сирэ-туома буолла.
СӨ Уопсастыбаннай балаататын бэрэссэдээтэлэ, АГИКИ бастакы проректора Станислав Иванов санаатын үллэһиннэ.
«Бу ааспыт уон сылга Уһук Илин ФУо эрэгийиэннэрэ туох да харгыһа суох өйөбүлү ыллылар. Уһук Илиннээҕи ипотека, Уһук Илиҥҥи гектар, урутаан сайдар территориялар уонна маастар-былааннары оҥоруу, бу барыта биһиги национальнай лиидэрбит, дойду Илиҥҥи өттүгэр олох хаачыстыбатын үрдэтэр соруктаах үлэтэ буолар», — диэн этэр кини.
Уопсастыбаннай балаата бэрэссэдээтэлэ өрөспүүбүлүкэҕэ бу бэлиитикэ суолталааҕын, көстөрүн, биллэрин бэлиэтиир. «Тэҥнээн көрдөххө, өрөспүүбүлүкэ Арассыыйа орто көрдөрүүлэрин ситтэ уонна өссө сороөун ааһа барда. Манна бырамыысыланнас, демография өрө тахсыыта, уо.д.а. киирэллэр». Кини быйылгы сылга дьиэ кэргэн олоҕун хаачыстыбатын үрдэтэргэ сорук туруоруллуутун туһунан этиитин кэмигэр хатылаата диэн бэлиэтээтэ.
«Саха сирэ дойдуну бүттүүнүн кытта бииргэ, салгыы иннин диэки хардыылыыр, саҥа үрдүк ситиһиилэргэ дьулуһар. Бары бииргэ, түмсүүлээх буоллахпытына, туруоруллубут соругу ситиһиэхпит диэн эрэнэбин», — диир Станислав Иванов.
СӨ Ил Дарханын уонна Бырабыыталыстыбатын пресс-сулууспата
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…