Саха сирин уопсастыбанньык дьахталлара оскуола бырагырааматыгар этика уонна дьиэ кэргэн сыһыанын психологиятын уруоктарын киллэрэргэ этии киллэрдилэр.
Маннык көҕүлээһини Владимир Путин уопсастыбаннай приемнайыгар “Арассыыйа ийэлэрэ” Бүтүн Арассыыйатааҕы уопсастыбаннай хамсааһын өрөспүүбүлүкэтээҕи салаатыгар Саха сирин дьахталлара киллэрдилэр. Кинилэр этэллэринэн, математика уонна нуучча тылын курдук, оҕолору чугас дьонун: төрөппүттэрин, бырааттарын уонна балыстарын, кэлин кэргэттэрин кытта сатаан сыһыаннаһыыга үөрэтии ирдэнэр.
Ону тэҥэ “Арассыыйа ийэлэрэ” олохтоох салаа актыбыыстара саҥа ыал буолааччыларга судаарыстыба өйөбүлүн оҥорорго эттилэр. Кинилэри элбэх оҕолоноллорун туһугар көҕүлүөххэ.
Манна даҕатан эттэххэ, 2024 сыл саҕаланыаҕыттан Саха сиригэр 25-тэн намыһах саастаах эдэр кэргэнниилэргэ биир кэмнээх төлөбүр баар буолла. Кинилэр 50 тыһыынча солкуобай кээмэйдээх материальнай көмөнү ылаллар.
Үһүс этиилэрэ – төрөппүт эппиэтинэһин туһунан сокуону ылыныы. Онно ийэ уонна аҕа оҕотун туһугар эбээһинэһэ чопчуланыахтаах.
Владимир Путин уопсастыбаннай приемнайа Дьокуускайга 2023 сыл ахсынньы ыйтан үлэлиир. Өрөспүүбүлүкэ олохтоохторо манна көҕүлээһиннэрин уонна этиилэрин киллэрэллэр.
Быйыл Арассыыйа бэрэсидьиэнин быыбара кулун тутар 15 күнүттэн 17 күнүгэр диэри ыытыллыаҕа. Киин быыбардыыр хамыыһыйа түөрт хандьыдааты киллэрдэ. Кинилэр ортолоругар бэйэтин туруоруммут судаарыстыба баһылыга Владимир Путин баар. Ону тэҥэ Арассыыйа баартыйаларыттан Николай Харитонов (КПРФ), Леонид Слуцкай (ЛДПР) уонна Владислав Даванков (“Новые люди”).
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…