Урбаанньыт «салгын паромун» туһунан кэпсээтэ

«БАС туттуу сценарийдара – аэрологистика» диэн былаһаакка спикерэ, BOON MARKET маркетплейсы оҥорбут Сергей Протопопов «Салгын парома» диэн бырайыагын туһунан «Сыыппара алмааһа» пуорумҥа кэпсээтэ.

Бу бырайыагынан өрүс нөҥүө бородууктаны тиэйиинэн дьарыктаналлар.

Өлүөнэ өрүһүнэн (Дьокуускай – Аллараа Бэстээх хайысхатынан) билиҥҥи кэмҥэ саамай тарҕаммыт көрүҥүнэн табаары тиэрдии буолар – үгүстүк «куурусса кынаттарын» көтүтэллэр. Ол кынаттары дроннар таһаллар.
«Салгын парома» – кэскиллээх бырайыак, биһиги электроннай атыыбыт-эргиэммит инфрастуруктуратын сорҕото, – диир Сергей Протопопов. – Улахан өрүс киэлитинэн бородууктаны харгыһы үөскэппэккэ уонна түргэнник тиэрдэбит. Ордук «куурусса кынаттарын» туһанан тиэрдэбит. Аллараа Бэстээх олохтоохторо бу бырайыагы олус сыаналыыллар!».

Хаартыска: «Сыыппара алмааһа» пуорум ханаалыттан ылылынна