Хаартыска: minobrnauki.sakha.gov.ru
Санкт-Петербург куоракка Бүтүн Арассыыйатааҕы “Открой в себе учёного” билим-инновация XII кэмпириэнсийэтэ буолан ааста. Дэлэгээссийэни, кэмпириэнсийэни тэрийэр хамыыһыйа эрэгийиэннээҕи бэрэстэбиитэлэ Михаил Черосов салайда. Өрөспүүбүлүкэ орто анал үөрэҕин устудьуоннара кыттыыларын СӨ Идэҕэ үөрэтэр тэрилтэлэрин сайыннарар институт сүрүннээтэ.
Быйылгы кэмпириэнсийэҕэ Арассыыйаттан 73 эрэгийиэн уонна СНГ дойдуларыттан 2072 үлэ киирбит. Олоҕурбут көрүҥүнэн ыытыллар түһүмэххэ 1220 үлэ ааспыт, онтон 370 — Саха Өрөспүүбүлүкэтин устудьуоннарын үлэтэ.
Саха сирин уһулуччулаах бэлитиичэскэй диэйэтэлэ Егор Афанасьевич Борисов 70 сааһыгар аналлаах “Инники идэҕэ хардыы” эдэр чинчийээччилэр XVIII пуорумнарын түмүгүнэн кэмпириэнсийэҕэ кыттарга 20 үлэ мэктиэлэммит. Итинтэн олоҕурбут көрүҥүнэн 11 киһи кыттыбыт, 1 кыттааччы – тэйиччиттэн.
Кэмпириэнсийэ кыайыылаахтара:
Кыайыылаахтар: Денисов Сергей, В.М.Членов аатынан Дьокуускайдааҕы индустриальнай-педагогическай кэллиэс устудьуона. Тиэмэтэ: «Создание экспериментального стенда для исследования электрических систем автомобилей КАМАЗ» (салайааччыта – Матаннанов Артур Константинович).
II истиэпэннээх призер: Михирева Анна, Арктикатааҕы судаарыстыбаннай агротехнологическай университет устудьуона. Тиэмэтэ: «Социальная адаптация к освобождению осуждённых к лишению свободы на примере Республики Саха (Якутия)» (салайааччыта – Дуткина Елена Владимировна).
III истиэпэннээх призер: Пронина Яна, В.А.Вонгордскай аатынан Дьокуускайдааҕы мэдиссиинэ кэллиэһин устудьуона. Тиэмэтэ: «Анализ информированности студентов Якутского медицинского колледжа им. В.А. Вонгродского» (салайааччыта – Колосова Марианна Евгеньевна).
Кыттааччылар үлэлэрин 121 эспиэрт сыаналаабыт. Салайааччыларга анаан “Оскуола аныгы үөрэхтээһинин кыһалҕалара” диэн тиэмэлээх “төгүрүк остуолу” ыыппыттар. Кэмпириэнсийэ иитинэн тыл этиигэ, бырайыактары бэлэмнээһиҥҥэ маастар-кылаастары, интеллектуальнай оонньуулары, нетворкинг тэрийбиттэр. Бу туһунан Үөрэх уонна билим министиэристибэтин саайтыгар суруйаллар.
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга…
Тымныы түһэрин кытта гараастарга баһаар ахсаана элбиир. Аҥардас алтынньы саҕаланыаҕыттан Саха сиригэр 16 уот турбута…
2025 сыл үс кыбаарталын түмүгүнэн энергетиктар өрөспүүбүлүкэ Арбитражнай суутугар 662 мөлүйүөн солкуобайтан тахса суумалаах 502…
Алтынньы 19 күнүгэр Сахабыт сиригэр Ийэ күнэ бэлиэтэнэр. Ийэ күнүн көрсө киин куораппытыгар элбэх кэнсиэртэр…
Өлөөн улууһугар бэҕэһээ бөртөлүөт көтөн, сүппүт табалары булууга көмөлөстө. Бүгүн “Өлөөн” МУП зоотехнига Марина Николаева…
Саха сиригэр дьон үксэ ипэтиэкэ көмөтүнэн дьиэ-уот оҥостор. Соторутааҕыта “Тыа сирин ипэтиэкэтэ” (“Сельская ипотека”) диэн …