Хаартыска: www.sakha.gov.ru
Анал байыаннай дьайыы саҕаланыаҕыттан Саха сирин волонтердара 100-тэн тахса туонна гуманитарнай көмөнү ыыпыттар.
Бу туһунан Бүтүн Арассыыйатааҕы #МЫВМЕСТЕ аахсыйа эрэгийиэннээҕи ыстаабын салайааччытын солбуйааччы Евгений Амбросьев иһитиннэрдэ.
Кини «Якутия» авиахампаанньа Москваҕа диэри таһаҕаһы тиэйиигэ улахан көмөнү оҥорбутун бэлиэтээтэ. «Өрөспүүбүлүкэ авиахампаанньатын сөмөлүөттэрэ биһиги байыастарбытын ылаллар. Бэҕэһээ грузовой терминал нөҥүө биһиги байыаннай сулууспалаахтарбытыгар уочараттаах көмө улахан баартыйатын ыыппыппыт. Быйыл кулун тутар ыйыттан байыастарга 30 туонна таһаҕас ыытыллыбыта», — диэн Евгений Амбросьев кэпсээтэ. Кини этэринэн, волонтер хамсааһына Саха сирин бары оройуоннарын хабар.
«Волонтердар анал байыаннай дьайыы кыттыылаахтарын дьиэ кэргэттэригэр араас көмөнү салгыы оҥороллор. Сайаапкалары 122 сулууспа нөҥүө ылаллар. Ону таһынан, ыстаап иһинэн волонтерскай иистэнэр сыах үлэлиир. Онно 20-тэн тахса волонтердар саллааттарга экипировкаларын уонна обмундированиеларын тигэллэр», — диэн #МЫВМЕСТЕ Бүтүн Арассыыйатааҕы аахсыйа эрэгийиэннээҕи ыстаабын салайааччытын солбуйааччы иһитиннэрдэ.
Санатан эттэххэ, гуманитарнай көмөнү хомуйуу пууна Дьокуускай куорат, Бестужев-Марлинскай уул., 5 дь. (ДОСААФ) аадырыһынан быстах кэмҥэ үлэлиир. Пуун үлэ күннэригэр сарсыарда 10:00-тан 18:00 чааска диэри үлэлиир.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…