Хаартыска: sakha.gov.ru ылылынна
Аҕа дойдуну көмүскээччи күнүнэн #МЫВМЕСТЕ Арассыыйатааҕы аахсыйа эрэгийиэннээҕи ыстааба байыастарга 100 баһыылканы ыытта. Бу туһунан ыстаабы салайар Айыллаан Винокуров иһитиннэрдэ.
«Аахсыйа иитинэн ким баҕарар гуманитарнай көмөнү оҥорор. Пууҥҥа чэйи, минньигэс аһы, тус бэйэ туттар малын-салын, эҕэрдэ суруктаах аккырыыкканы аҕалан туттараллар. Маны ыытарга, #МЫВМЕСТЕ аахсыйа волонтердара уонна «Якутия с тобой!» көмөлөстүлэр«, — диэн кэпсиир кини.
Көмөлөһүөн баҕалаахтар маннык аадырыска тиийиэхтэрин сөп: Дьокуускай, Бестужев-Марлинскай уул. 5 (ДОСААФ).
Маны таһынан, өрөспүүбүлүкэ бары улуустарыгар волонтердар байыастар дьиэ кэргэттэрин сайаапкаларынан көмөлөһөллөрө салҕанар.
Ыйытыылаахтар маннык нүөмэргэ эрийиэхтэрин сөп: 122, «6» кунуопканы баттыыгыт, үлэ чааһа күн аайы 9.00-18.00 ч.
СӨ Ил Дархана Айсен Николаев Ил Түмэҥҥэ Анал этиитигэр уопсастыбанньыктар байыастарга уонна кинилэр дьиэ кэргэттэригэр көмөлөрүн бэлиэтээбитэ. Байыаннай эпэрээссийэ саҕаланыаҕыттан өрөспүүбүлүкэ волонтердара байыастарга 120 туоннаттан тахса гуманитарнай көмөнү хомуйан ыыппыттар, байыастарга 2300 аадырыстаах баһыылка тиэрдиллибит. #МЫВМЕСТЕ Арассыыйатааҕы аахсыйа көхтөөх кыттааччылара 2024 сылга байыаннай сулууспалаахтар дьиэ кэргэттэриттэн киирбит биэс тыһыынчаттан тахса сайаапканы толорбуттар.
СӨ Ил Дарханын уонна Бырабыыталыстыбатын пресс-сулууспата
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…