Саха сирин волонтердара туора турбаттар

Саха сирин ыччата быстах хомуурга түбэспит саллааттар дьиэ кэргэттэригэр көхтөөхтүк көмөлөһөр. Өрөспүүбүлүкэ волонтердара хаста да Луганскай уонна Донецкай норуодунай өрөспүүбүлүкэлэргэ баран үлэлээбиттэрэ. 

Волонтер үлэтигэр уонна гуманитарнай көмөнү оҥорууга баҕа өттүнэн кыттыһар дьон үгүс. #МЫВМЕСТЕ  ыстаап Саха сиринээҕи волонтердара эрэгийиэн уопсастыбаннай балаататын уонна «Арассыыйатааҕы Кыһыл Кириэс» тэриллиини кытта эвакуациаяаммыт олохтоохторго гуманитарнай көмөнү оҥорбуттара.

«Саха сирин волонтердара туора турбаттар. Билигин быстах хомуурга барбыт саллааттар дьиэ кэргэттэриттэн киирбит сайаапкаларынан үлэ барар. Дьиэҕэ-уокка, оҕону көрүүгэ-истиигэ көмөҕө ордук наадыйаллар эбит. Итини таһынан, «Саха сирин эйигин кытта!» уопсастыбаннай хамсааһын пуунугар волонтердар көмөнү хомуйууга үлэлииллэр», — диэн эрэгийиэннээҕи ыстаап салайааччыта Айыллаан Винокуров этэр.