Саха сирин волонтердара түмүстүлэр

Дьокуускай куоракка «Биир ньыгыл Арассыыйа» баартыйа уопсастыбаннай өйөбүлүн ыстаабыгар Доброволецтар күннэригэр анаммыт тэрээһин буолан ааста.

Баартыйа Аҕа дойду буойуннарын дьиэ кэргэннэрин кэмитиэтин кытта бииргэ өрөспүүбүлүкэ волонтердарын куорпуһун туһунан презентацияны ыыттылар.

Мунньахха Арассыыйа Дьоруойа, анал байыаннай дьайыы бэтэрээнэ Родимир Максимов, кини ийэтэ Варвара Максимова, «Биир ньыгыл Арассыыйа» баартыйа Дьокуускайдааҕы отделениетын сэкирэтээрин солбуйааччыта, Ил Түмэн дьокутаата, «Биир ньыгыл Арассыыйа» фракциятын чилиэнэ Иван Луцкан, баартыйа олохтоох отделениетын салайааччыта Надежда Селютина, норуот дьокутаата Николай Бугаев, «Сахамедиа» генеральнай дириэктэрин солбуйааччы Чокуур Гаврильев, Уопсастыбаннай өйөбүл ыстаабын салайааччыта Саргылана Неустроева, о.д.а. кыттыыны ыллылар.

Бу тэрээһин анал байыаннай дьайыы кыттыылаахтарын өйүүр 13 актыыбынай общественнай хамсааһыны түмтэ. Олор истэригэр «Боевые шелкопряды»,«Илии сылааһа», «ДоброVольцы»,«Якутия с тобой, «Вместе мы сила», «Внуки победителей», «Волонтеры-медики», «Молодые душой»,
«ШТОРМ», «Патриот 14», «Холбоһук күүс»,«Отдых на реке Лене»,«Туллук – эйэ уонна үтүө символа» («Туймаада волонтёрдара») бааллар.

Мунньах кыттаахтара оҥоһуллубут үлэ туһунан уонна инники сайдыы былааннарын кэпсээтилэр. Анал байыаннай дьайыы кыттыылаахтарыгар гуманитарнай көмөнү хомуйууну тэрийиигэ ураты болҕомто уурдулар: өрөспүүбүлүкэ волонтердара таҥаһы-сабы, баайыллыбыт оҥоһуктары, бастакы наадалаах маллары уонна олохтоох астары хомуйан ыыталлар.

Ааспыт кэмҥэ волонтердар анал байыаннай дьайыы байыастарыгар сүүһүнэн туонна гуманитарнай көмөнү хомуйан ыыппыттар. Тыһыынчанан таҥас-сап, сылаас мал, харысхаллар, олохтоох ас-үөл бэлэмнэммит.
Байыаннай сулууспалаахтар дьиэ кэргэттэригэр айаны, балыктааһыны уонна актыыбынай сынньалаҥы тэрийэр «Өлүөнэ өрүскэ сынньалаҥ» волонтерскай туристскай хамсааһынын бэлиэтиир тоҕоостоох. Саас, сайын уонна күһүн кинилэр айаннары тэрийэн, дьиэ кэргэттэри төрөөбүт дойдуларын айылҕатын кытта билиһиннэрэллэр.

«Волонтердар хас биирдии бэйэлэрин илиилэринэн баайбыт, тикпит оҥоһуктарыгар эбэтэр астаабыт астарыгар ис дууһаларын уураллпр. Хас биирдии малтан сүрэх сылааһа тахсар, уонна саллааттар кыһалҕаларын ис сүрэхтэриттэн билэллэр. Уолаттарбыт хайаан даҕаны кыайан-хотон дойдуларыгар төннүөхтэригэр итэҕэйэллэр», – диэтэ «Биир ньыгыл Арассыыйа» баартыйа Саха сиринээҕи ситэриилээх кэмитиэтин кырдьаҕас чилиэнэ.