Саха сирин үөрэҕин тиһигэр байыаннай дьайыы кыттыылаахтарын оҕолорун арыаллааһын алгоритма тэриллэр

Саха сиригэр байыаннай дьайыы кыттыылаахтарын дьиэ кэргэттэрин оҕолоругар уйулҕа уонна педагогическай өттүнэн көмөнү оҥорууга арыаллааһын алгоритма олохтоммута.

Брифиҥҥэ Психолого-педагогическай методическай өттүнэн арыаллааһын өрөспүүбүлүкэтээҕи киинин дириэктэрин солбуйааччы Татьяна Алешина иһитиннэрбитинэн, бу ньыма уһулуччу болҕомтоҕо наадыйар оҕолорго уонна обургу оҕолорго, кинилэргэ куттала суох, сайыннарар эйгэни тэрийиигэ туһуланар.

Өрөспүүбүлүкэҕэ 2024-2025 сс. үөрэх дьылын бүтэһигэр байыаннай дьайыы кыттыылааҕын 9139 оҕото баар, итинтэн 2517 – оскуола иннинээҕи үөрэх тэрилтэтин иитиллээччитэ, 5593 – үөрэнээччи, 1029 – устудьуон, ол иһигэр 394 – үрдүк үөрэххэ, 635 – орто анал үөрэххэ. Маны тэҥэ байыаннай дьайыы 12 кыттыылааҕа уонна байыаннай сулууспалаах 52 кэргэнэ устудьуон буоллулар.

Маннык алгоритмы киллэрии педагогтары, психологтары, социальнай сулууспалары кытта бииргэ үлэлээһини олохтуур.

“Биһиги сорукпут – оҕо байыаннай дьайыы кыттыылааҕын дьиэ кэргэнин оҕото эрэ буоларын чахчы курдук көрдөрбөккө, кинини кытта ыкса сыһыаны олохтуубут”, — диэтэ Татьяна Алешина.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/12678