Хаартыска: sportyakutia.ru
Бэс ыйын 8 күнүттэн 22 күнүгэр диэри Москва таһынааҕы Раменское куоракка үөрэнээччилэр ортолоругар волейболга «Серебряный мяч-2025» Арассыыйатааҕы турнир ыытылынна.
Үгүс дьону-сэргэни, успуорду сэҥээрээччилэри сөхтөрөн, Таатта улууһун Тыараһа оскуолатын хамаандата үрдүк үһүс миэстэҕэ тигистэ.
Кинилэр Саха сирин эрэ буолбакка, бүтүн Уһук Илин уокурук чиэһин көмүскээтилэр. Үһүс миэстэ иһин киирсиигэ эдэр таатталар москвичтары 2:0 ахсаанынан кыайдылар, диэн sportyakutia.ru саайт суруйар.
Бу хамаандаҕа 8-с кылаас үөрэнээччилэрэ Матвеев Гаврил, Слепцов Александр, Кондаков Андрей, Литвинцев Данил, Семенов Асхар, Окоемов Айтал уонна 10-с кылаас үөрэнээччилэрэ Окоемов Егор, Турнин Юрий киирдилэр. Хамаанданы СӨ успуордун туйгуна, Таатта улууһун успуордун үтүөлээх үлэһитэ, успуорт бэтэрээнэ, СӨ үөрэҕэриитин туйгуна, Учууталлар учууталлара Дмитрий Викторович Попов салайан дьарыктыыр.
Оҕолору Дмитрий Попов эрчийэр, оттон кинини иитиллээччилэрин кытта тэҥҥэ сылдьан, бары күүһүнэн ыалдьыбыт Тыараһа оскуолатын дириэктэрэ Пётр Полускин бары өттүнэн өйүүр диэн иһитиннэрэллэр.
Тыараһа нэһилиэгин киинигэр, Кыйы сэлиэнньэтигэр, бүтэһик биэрэпис түмүгүнэн 719 киһи олорор. Онон Бүтүн Арассыыйа үрдүнэн турнирга кыайыылаах тахсыы — улахан ситиһии.
Алтынньы 29 күнүгэр, Хомсомуол күнүгэр, Таатта улууһун Харбалааҕын көхтөөх хомсомуоллара түмсэн, эдэр саас кэрэ кэмнэрин…
Саха Өрөспүүбүлүкэтин “Полярная звезда” уордьанынан, “Гражданская доблесть” бэлиэнэн наҕараадаламмыт, “СӨ Бочуоттаах олохтооҕо” ааты ылбыт, үлэлэригэр…
Алтынньы 28 күнүттэн сэтинньи 8 күнүгэр диэри Турцияҕа аан дойдутааҕы дуобат федерациятын күрэхтэһиилэрэ ыытылла тураллар.…
Федеральнай нолуок сулууспатын Саха сиринээҕи управлениета сиргэ, дьиэҕэ, кыбартыыраҕа, даачаҕа, гарааска, тырааныспарга 2024 сыллааҕы нолуогу…
2025 сыл тоҕус ыйын түмүгүнэн Саха Өрөспүүбүлүкэтэ Уһук Илин уокуругун субъектарын ортотугар сир учаастактарын босхо…
ИДьМ Дьокуускайдааҕы салаатын полиция 3-с нүөмэрдээх отделыгар Дьокуускай куорат олохтооҕуттан сайабылыанньа киирбит. Дьахтар полиция үлэһиттэригэр…