Саха сирин үөрэнээччилэрин спартакиадалара алтынньы 15 күнүттэн саҕаланыаҕа

Саха сирин үөрэнээччилэрин спартакиадалара үс түһүмэҕинэн ыытыллыаҕа. Бастакы оскуолалар икки ардыларынааҕы түһүмэх алтынньы 15 күнүттэн саҕаланыаҕа. 

Тэрээһин бырагырааматыгар уопсайа 29 успуорт көрүҥэ киирдэ, онтон 9 көрүҥүгэр күрэхтэһии спартакиада түмүктүүр түһүмэҕэр буолуоҕа.

«Былырыын Саха сирин үөрэнээччилэрин спартакиадалара сөргүтүллүбүтэ. Тэрээһиҥҥэ өрөспүүбүлүкэ 67 тыһыынчаттан тахса үөрэнээччитэ кыттыыны ылбыта. Күрэхтэһии оскуола үөрэнээччилэрин маассабай успуордунан, физкултууранан дьарыктаналларыгар сирдиир соруктаах ыытыллар», — диэн СӨ бырабыыталыстыбатын бэрэссэдээтэлин солбуйааччы Сергей Местников эттэ.

Күрэхтэһии түмүктүүр түһүмэҕэ эһиил Намҥа бэс ыйын 5-9 күннэригэр буолуоҕа.